Теннис цIыкIумкIэ Адыгеим изэIухыгъэ турнир непэ зэфашIыжьыщт. Къэралыгъом ишъолъыри 10-мэ къарыкIыгъэ спортсменхэр зэнэкъокъух.

Республикэм илIыкIохэм къэгъэлъэгъон дэгъухэр яIэх. Зыныбжь илъэс 14-м къемыхъугъэхэм язэнэкъокъу апэрэ чIыпIэр къыщыди­хыгъ Артем Вариводиным, ар кIэух едзыгъом Краснодар краим испортсмен щыIукIагъ ыкIи 3:2-у текIуагъ. Къэлэ спорт еджапIэу Джэнчэтэ СултIан ыцIэ зыхьырэм ащ зыщегъасэ. Нэбгырэ тIурытIу хъухэрэм язэнэкъокъу А. Вариводинымрэ Къэрэщэе-Черкес Респуб­ликэм илIыкIоу Амар Канаматовымрэ ящэнэрэ чIыпIэр къыщахьыгъ. Мы купым зыщызыушэтыгъэ Мыекъопэ районым щыщ Дмитрий Работяга тыжьын медаль къыфагъэшъошагъ. Джащ фэдэу Д. Работягэрэ Краснодар краир къэзыгъэлъэгъогъэ Виктория Павлюкрэ зэнэкъокъум пэрытныгъэр щаубытыгъ. Кощхьэблэ районым испорт­сменкэу Дарья Кузнецовам тIогъогогъо медаль къыхьыгъ.
Зыныбжь непэ илъэс 18-м къемыхъугъэ пшъашъэхэр ыкIи кIалэхэр зэнэкъокъущтых. Мы спорт лъэпкъыр зыгу рихьыхэрэр Адыгэ къэралыгъо университетым иордэунэу Кобл Якъубэ ыцIэ зыхьырэм зэхэщакIохэм рагъэблагъэх.