Урысыем щынэгъончъэнымкIэ и Феде­ральнэ къулыкъу и ГъэIорышIапIэу Адыгэ Республикэм щыIэм иIофышIэ­хэм къыхагъэщыгъ Гурыт Азием щыщ илъэс 40 зыныбжь хъулъфыгъэм хабзэр ыукъуагъэу. Урысыем и Уго­ловнэ кодекс ия 322-рэ статья ия 2-рэ Iахь къызэхифырэ бзэджэшIагъэ ащ зэрихьагъ (Урысые Федерацием и Къэралыгъо гъунапкъэ хэбзэнчъэу зэпичыгъ).

ЗэрагъэунэфыгъэмкIэ, илъэси 5-м къыкIоцI Уры­сыем къихьан фимытэу ар ашIыгъагъ нахь мышIэ-
ми, гъунапкъэр зэпичыгъ. Ащ нэужым Мыекъуапэ къыдахьи, кощынхэмкIэ учетым хэмыуцоу 2025-рэ илъэсым нэс щыпсэугъ.
Урысыем и ФСБ и ГъэIорышIапIэу Къалмыкъ Рес­публикэмрэ Астраханскэ хэкумрэ ащыIэм икъутамэ оперативнэ-лъыхъун Iофтхьабзэу Урысыем и ФСБ и ГъэIорышIапIэу Адыгэ Республикэм щыIэм IэкIэлъ материалхэмкIэ зэшIуахыгъэхэм атегъэпсыхьагъэу уголовнэ Iофыр къаIэтыгъ.