ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм Ханты-Мансийскэ автоном шъолъырым — Югра щыщхэу Адыгэ Республикэм и Теуцожь рай­он щыпсэухэрэм синтетическэ наркотикхэр зыщашIырэ лабора­то­рие агъэпсыгъэу, «мефедрон» зыфа­Iорэм икъыдэгъэкIын ищыкIагъэхэр къащэфыгъэхэу агъэунэфыгъ.

Оперативнэ-лъыхъун Iофтхьабзэу зэхащагъэхэм яшIуагъэкIэ синтетическэ наркотикыр зыхашIыкIыщт килограмм 11,989-рэ ахэм къахахыгъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ следствиехэмкIэ иотделение Урысыем и Уголовнэ кодекс ия 228.3-рэ статья ия 2-рэ Iахь диштэу уголовнэ Iоф къызэIуихыгъ. БзэджэшIагъэр зэрихьагъэу зэгуцафэхэрэм илъэси 2-м нэсэу хьапс къахьын алъэкIыщт.
Мы уахътэм зэхэфынхэр макIох.