Бюджет ахъщэм хэIагъэх
Адыгэ Республикэм и Мыекъопэ къэлэ хьыкум Урысыем игражданхэу Штымэ Саидэрэ Хъут Тимуррэ яуголовнэ Iоф фэхъугъэ кIэухым щигъэгъозагъэх.
Урысыем и Уголовнэ кодекс ия 159-рэ статья ия 3-рэ Iахь къыдилъытэрэ бзэджэшIагъэр зэрэзэрахьагъэм пае ахэр агъэмысэх.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щы-
Iэм иIофышIэхэм зэрагъэунэфыгъэмкIэ, С. А. Штымэмрэ Т. А. Хъутымрэ сомэ мин 741-рэ бюджет ахъщэу къатыгъугъ. А ахъщэр лъэпкъ проектэу «Предпринимательствэ цIыкIумрэ гурытымрэ, джащ фэдэу унэе предприниматель IофшIэным IэпыIэгъу етыгъэныр» зыфиIорэр ары зыпэIухьанэу щытыгъэр.
Адыгэ Республикэм хэгъэгу кIоцI IофхэмкIэ и Министерствэ уголовнэ Iофыр къыIэтыгъ ыкIи зэхифыгъ.
Адыгэ Республикэм и Мыекъопэ къэлэ хьыкум Урысыем и Уголовнэ кодекс ия 159-рэ статья ия 3-рэ Iахь тетэу ахэр ыгъэпщынагъэх: С. А. Штымэм условнэу илъэси 4-рэ мэзи 6-рэ, Т. А. Хъутым — условнэу илъэси 4 атыралъхьагъ.
Унашъом хэбзэ кIуачIэ иIэ хъугъэ.