Адыгэ Республикэм щыпсэоу IэкIыб къэрал организацием ахъщэ фэзытIупщыщтыгъэр къаубытыгъ.

Тэхъутэмыкъое район хьыкумыр Адыгеим щыпсэоу, илъэс 48-рэ зыныбжь ЛэупэкIэ Инвер иIоф хэплъагъ.
ЗэрагъэунэфыгъэмкIэ, ащ Украинэм щызэхащэгъэ организацием дыригъаштэу, Урысые Федерацием ар зэрэщамыштагъэм щыгъуазэ пэтзэ, ащ хэтхэм ащыщ ыгъэфедэщт счетэу ежь ыцIэкIэ банкым къыщызэ­Iуихыгъэм ахъщэ ригъахьэщтыгъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ уголовнэ Iоф къызэIуихи, зэхифыгъ.
Тэхъутэмыкъое район хьыкумым Урысыем и Уголовнэ кодекс ия 284.1-рэ статья ия 2-рэ Iахь диштэу И. М. ЛэупакIэм зы илъэсрэ мэзи 8-рэ егъэзыгъэкIэ Iоф ышIэнэу тырилъхьагъ.
Хьыкумым рихъухьагъэм кIуачIэ иIэ хъугъэ.