Урысыем щынэгъончъэнымкIэ и Фе­де­ральнэ къулыкъу Адыгэ Респуб­ли­кэмкIэ и ГъэIорышIапIэ иIофышIэхэм къуаджэу АдыгеякIэм дэс хъулъфы­гъэу илъэс 19 зыныбжьыр Урысые
Федерацием и Уголовнэ кодекс ия 205.5-рэ статья ия 2-рэ Iахь зи­гугъу къышIырэ бзэджэшIагъэхэр зэ­рэзэрихьагъэр, Урысыем ихэбзэгъэуцугъэ диштэу террористическэу алъытэ­гъэ организацием иIофшIэн зэрэхэ­лэжьагъэр къычIагъэщыгъ.

Адыгэ Республикэмрэ Краснодар краимрэ арысхэр зыхигъахьэщтыгъэ террористическэ организацие рес­публикэм щызэхищэнэу ащ гухэлъ зэриIагъэр, къэ­нэфагъ.

Урысыем щынэгъончъэнымкIэ и Федеральнэ ­къулыкъу Адыгэ РеспубликэмкIэ и ГъэIорышIапIэ Урысые Федерацием и Уголовнэ кодекс ия 30-рэ статья иа 1-рэ Iахь, ия 205.5-рэ статья ия 2-рэ Iахь, ия 205-рэ статья иа 1-рэ Iахь зигугъу къашIырэ бзэджэшIагъэхэр зезыхьэгъэ хъулъфыгъэм уголовнэ Iоф къыфызэIуихыгъ.