Фитыныгъэ имыIэу лицензие ритыгъ
Лицензиехэм ятын епхыгъэ IофхэмкIэ Гупчэм ипащэ игуадзэщтыгъэм ифитыныгъэхэм къызэраригъэхъугъэм пае уголовнэ Iоф къыфаIэтыгъ.
Урысыем и Следственнэ комитет иследственнэ гъэIорышIапIэу Адыгэ Ресубликэм щыIэм Урысыем и Уголовнэ кодекс ия 286-рэ статья иа 1-рэ Iахь къызэрэдилъытэрэм тетэу хъулъфыгъэм уголовнэ Iофыр къыфиIэтыгъ, ащкIэ лъапсэ хъугъэхэр оперативнэ-лъыхъун Iофтхьабзэу зэрахьагъэхэр ары.
ЗэрагъэунэфыгъэмкIэ, Урысые Федерацием ихэбзэгъэуцугъэ ыукъозэ, Iашэ къызIэкIигъэхьаным пае Адыгэ Республикэм щыпсэурэм ащ лицензие ритыгъагъ.
Мы лъэхъаным зэхэфын Iофэу зэшIуахыхэрэр зэпхыгъэхэр IэубытыпIэхэр икъоу зэIугъэкIэгъэнхэр ары.