Адыгэкъалэ къыщыхъугъэ, илъэс 41-рэ зыныбжь ХъокIо Аслъан къыфызэ­Iуахыгъэ уголовнэ IофымкIэ Теуцожь район хьыкумым кIэух зэфэхьысыжь ышIыгъ.

Хъулъфыгъэр пщыныжь ягъэхьыгъэнымкIэ Федеральнэ къулыкъум Адыгэ РеспубликэмкIэ и ГъэIоры­шIапIэ иколониеу N 1-м дэс. Урысыем и Уголовнэ кодекс ия 282.2-рэ статья ия 2-рэ Iахь зигугъу къы­шIырэ бзэджэшIагъэ зэрихьагъэкIэ, экстремист организацием иIофшIэн хэлэжьагъэкIэ ар агъэмысэ.
Нафэ къызэрэхъугъэмкIэ, Адыгэ Республикэм иколо­ние пщыныжь щызыхьырэ А. Р. ХъуакIом дунэе дви­жениеу «Арестантское уголовное единство» зыфиIоу экстремистскэу Урысые Федерацием щалъытэрэм зэрэдыригъаштэрэр колонием къыдыдэсхэм апашъхьэ пчъагъэрэ къыщиIуагъ, мы дунэе общественнэ движением иIофшIэн чанэу хэлэжьагъ, цIыфыгъэ шапхъэ­хэу зэкIэми зыдырагъаштэхэрэр щигъэзыещтыгъэх, хэбзэ къулыкъухэм джэгъогъуныгъэ афыряIэным, жъалымыгъэ адызэрахьаным къыфаджэщтыгъ.
Уголовнэ Iофыр къызэIузыхыгъэри зэхэзыфыгъэри Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапI ары.
Урысыем и Уголовнэ кодекс ия 282.2-рэ статья ия 2-рэ Iахь диштэу Теуцожь район хьыкумым илъэси 3-рэ мэзи 3-рэ колонием дэсынэу хъулъфыгъэм тырилъхьагъ.
Адыгэ Республикэм и Апшъэрэ хьыкум апелля­ционнэ тхьаусыхэ тхылъым зыхаплъэм, Теуцожь рай­он хьыкумым иунашъо дыригъэштагъ, ащ хэбзэ кIуачIэ иIэ хъугъэ.

Урысыем щынэгъончъэнымкIэ
и Федеральнэ къулыкъу
Адыгэ РеспубликэмкIэ и ГъэIорышIапIэ
ипресс-къулыкъу.