АР-м и Къэралыгъо автоинспекцие водительхэм зафегъазэ къэблэгъэрэ илъэсыкIэ зыгъэпсэфыгъо мафэхэм нахь гъэлъэшыгъэу сакъыныгъэ гъогухэм къащызхагъэфэнэу!

КIымафэр илъэсым илъэхъан анахь щынагъохэм ащыщ. Зэрэплъэгъурэм къыщэкIэ, автомобилым иапчхэр, игъун­джэхэр, ифарэхэр мэушIоих, гъогур нахь зэжъу ыкIи Iумыл мэхъу. Ащ пае щыIэныгъэмкIэ щынэгъончъэ амал тедзэхэр къызфэбгъэфедэнхэу щыт:
анахь шъушIэрэ гъогур арыми шъузэ­рычъэрэр скоростым къыщыжъугъакI: ошIэ-дэмышIэу шIункIым зыгорэ къы­хэкIын зэрилъэкIыщтым сыдигъокIи шъуфэхьазырын фае;
щынэгъо зекIуакIэхэр щыжъугъэзыех (уапэкIэ къикIырэ автомобилым илъэныкъо утехьаныр, сэмэгумкIэ бгъэзэн хъумэ, зыкъэбгъэчэрэгъужьыныр);
щынэгъончъэ бгырыпхыр ыкIи хэушъхьафыкIыгъэ кIэлэцIыкIу тIысыпIэр жъугъэфедэх;
шъунаIэ гъогум тешъумых, телефон е нэмыкI пкъыгъохэм задешъумыгъэхьых.
Зыщышъумыгъэгъупш, шъо шъушъхьэ закъоп къэжъугъэгъунэрэр, шъуигупсэхэри унэм къыщышъожэх.
Водительхэм ямызакъоу, лъэсрыкIохэри мы лъэхъаным лъэшэу сакъынхэ фае. Машинэхэр зэрыкIохэрэ гъогур зэпышъучы зыхъукIэ, бгъу пстэумкIи зышъуплъыхь.
ШъушIэным пае, 2025-рэ илъэсым имэзэ 11 республикэм игъогухэм хъугъэ-шIэгъэ 386-рэ къатехъухьагъ, ахэм нэбгырэ 51-рэ (зы кIэлэцIыкIу) ахэкIодагъ ыкIи 437-мэ шъобжхэр атещагъэхэ хъугъэ.
АР-м гъогурыкIоныр щынэгъончъэ­нымкIэ икъэралыгъо инспектор шъхьаIэу
Андрей Огурцовыр.