Теннис цIыкIумкIэ республикэм ичемпионат мы мафэхэм Мыекъуапэ щыкIуагъ. Зэнэкъокъум хъулъфыгъэ 38-рэ ыкIи бзылъфыгъэ 18 хэлэжьагъ. Зызыушэтыгъэхэм аныбжь илъэс 11-м ехъущтыгъ.

Хъулъфыгъэхэм язэнэкъокъу пэрытныгъэр щиубытыгъ Мые­къуапэ щыпсэурэ Станислав Леонович. КIэух зэIукIэгъум ар 3:1-у Мыекъопэ районым илIыкIоу Дмитрий Работяга щытекIуагъ. Ящэнэрэ чIыпIэр Александр Воронцовым фагъэшъошагъ.
Кощхьэблэ районым ит псэупIэу Вольнэр къэзыгъэлъэгъогъэ­хэ Дарья Кузнецовамрэ Елизавета Калининамрэ финалым щызэIукIагъэх. Апэрэр чемпионкэ хъугъэ. Красногвардейскэ рай­оным испортсменкэу Надежда Трофимовам джэрз медаль къы­хьыгъ.
Нэбгырэ тIурытIу хъухэрэм язэнэкъокъу щытекIуагъэх Дмитрий Работягэрэ Валерий Зиньтяевымрэ. Ахэм кIэух ешIэгъур 3:1-у Станислав Леоновичрэ Дмитрий Нехаевымрэ къашIуа­хьыгъ. БзылъфыгъэхэмкIэ апэрэ чIыпIэр зыубытыгъэхэр Дарья Кузнецовамрэ Елизавета Калининамрэ. ЯтIонэрэ хъугъэх Людмила Шумскаямрэ Иныхъу Джэнэт­рэ. Бзылъфыгъэрэ хъулъфыгъэрэ зыхэт командэхэм язэнэкъокъу анахь щылъэшыгъэх Дмитрий Газарянрэ Дарья Кузнецовамрэ. Дмитрий Работягэрэ Чэтэо Альби­нэрэ ятIонэрэ чIыпIэр къыдахыгъ.