ГандболымкIэ Урысыем и Суперлигэ хэт «АГУ-Адыифым» мы мафэхэм иIэгъэ ешIэгъум очко къыщихьын ылъэкIыгъэп.

«АГУ-Адыиф» — «Черноморочка» — 28:41 (13:19)
«АГУ-Адыифым» хэтыгъэх: къэлэпчъэIутхэр — Черницовар, Гобадзе, Черновар. Миловар — 6, Вайкум — 5, Хавронинар — 5, Казихановар — 4, Краснокутскаяр — 2, Зарецкаяр — 2, Утаровар — 1, Локян – 1, Коваленкэр – 1, Кожубековар — 1.
«Черноморочкэм» щешIагъэх: къэлэпчъэIутхэр — Кирикиас, Дяченкэр. Долматовар — 7, Зотинар — 7, Стрельцовар — 6, Чешевар — 4, Вигуржинскаяр — 4, Федосовар — 3, Кремневар — 2, Толстокораяр — 2, Шановар — 2, Сивоваловар – 2, Горшенинар – 2.

Апэрэ Iэгуаор къэлапчъэм дэ­зыдзагъэр Мыекъуапэ икомандэ хэт Дарья Миловар ары. Ау бысымхэм ягушIуагъо охътабэ ыхьы­гъэп. Новороссийскэ игандболисткэхэм псынкIэу пчъагъэр зэфэдиз ашIыгъ, ащ ыуж ахэр хэпшIыкIэу нахь лъэшыгъэх, апэрэ едзыгъор 13:19-у ахьыгъ. ЯтIонэрэ таймым «АГУ-Адыифыр» нахь дэеу ешIагъ. Я 37-рэ такъикъым тигандболисткэ анахь лъэшэу Юлия Хавронинам карточкэ плъыжь къырагъэлъэгъугъ ыкIи ешIапIэм къырагъэ­кIыгъ. ХьакIэхэм 28:41-у текIоныгъэр къыдахыгъ. ЕшIэкIо анахь дэгъоу къыхагъэщыгъэхэр Дарья Миловамрэ Елена Стрельцовамрэ.
Турнир таблицэм зэхъокIыныгъэ фэхъугъэп. Тикомандэ я 9-рэ чIыпIэм щыт. Пэрытныгъэр «Ростов-Доным» ыIыгъ, ащ ешIэгъоу иIагъэхэм зэкIэми текIоныгъэ къа­щы­дихыгъ.
Командэхэр зыдэщыт чIыпIэхэр ыкIи очко пчъа­гъэу рагъэкъугъэр:

1. «Ростов-Дон» — 30.
2. «ЦСКА» — 28.
3. «Лада» — 23.
4. «Черноморочка» — 21.
5. «Астраханочка» — 19.
6. «Звезда» — 16.
7. «Динамо-Синара» — 12.
8. «Кубань» — 11.
9. «АГУ-Адыиф» — 9.
10. «Луч» — 8.
11. «Уфа-Алиса» — 2.
12. «Университет» — 1.
    Тыгъэгъазэм и 24-м «АГУ- Адыифыр» Ростов-на-Дону щешIэщт. 2025-рэ илъэ­сымкIэ ар аужырэ зэIукIэгъущт.