Тыгъэгъазэм и 21-м Мые­къуапэ ирайон цIыкIухэу «Восходым», ЦКЗ-м» ыкIи «Михайловым» ащы­псэухэ­рэм псы чъыIэ ямыIэу, къа­лэм инэмыкI районхэми ар макIэу къа­IэкIахьэу «Мые­къопэ водоканалым» цIыфхэм зыфагъэзагъ.

Водоканалым идежурнэ-диспетчер къулыкъу къызэритыгъэмкIэ, заводэу «Картонтарэм» пэгъунэгъоу, урамэу Шоссейнэм псы чъыIэр зэрыкIорэ трубэр щызэфашIыгъ. Ащ лъапсэ фэхъугъэр миллиметрэ 800 зишъомбгъогъэ трубэр зэрэзэготхъыгъэр ары. Бэ тырамыгъашIэу гъэцэкIэжьын IофшIэнхэр рагъэжьагъэх.
ГъэцэкIэжьын IофшIэнхэр а мэфэ дэдэм, чэщыр хэкIотагъэу, аухыгъэх, псы чъыIэр цIыфхэм къаIэкIэхьа­жьыгъ.
КIАРЭ Фатим.