Урысые Федерацием щынэгъончъэнымкIэ икъулыкъухэм яIофышIэхэу ыкIи яветеранхэу
лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ тышъуфэгушIо!
Къэралыгъом ифедэхэм якъэухъумэнкIэ, хэгъэгум иконституционнэ гъэпсыкIэ зэщамыгъэкъонымкIэ, терроризмэмрэ экстремизмэмрэ апэуцужьыгъэнымкIэ, мамыр щыIакIэмрэ общественнэ-политикэ зыпкъ­итыныгъэмрэ къэухъумэгъэнхэмкIэ зышъхьамысыжьэу зипшъэрылъ зыгъэцэкIэгъэ пстэуми инэу тызэрафэразэм ишыхьатэу щыт мы мафэр.
Непэ, хэушъхьафыкIыгъэ дзэ операциер зыщыкIорэ лъэхъаным, тихэгъэгу къепыирэ къэралыгъохэр нахьыбэ зэрэхъухэрэм къыхэкIэу, Урысыем ихэушъхьафыкIыгъэ къулыкъухэм ахэтхэм япсэемыблэжьыныгъэ ишIуагъэкIэ хэгъэгум социальнэ-экономикэ хэхъоныгъэ ышIынымкIэ, нахь лъэш хъунымкIэ бэ зэшIохыгъэ хъурэр.
Щынэгъончъэным икъулыкъухэм ахэтхэр цIыф лъэшхэу я Хэгъэгу фэшъыпкъэхэу, цIыфыгъэ шэпхъэ дахэхэм арыгъуазэхэрэр ары.
Урысыем и ФСБ и ГъэIорышIапIэу Адыгэ Республикэм щыIэм ипащэхэм ыкIи ащ щылажьэхэрэм инэу тафэраз общественнэ-политикэ зыпкъитыныгъэр пытэным яIахь зэрэхашIыхьэрэм, зэгурыIоныгъэ ахэ­лъэу, мамырэу цIыфхэр зэдэпсэунхэм фэшI Iофыгъуабэмэ кIэщакIо зэрафэхъухэрэм апае.
Псауныгъэ пытэ, щыIэкIэшIу, насып шъуиунагъохэм арылъынэу, Урысыем ифедэ зыхэлъ Iоф пстэуми гъэхъагъэхэр ащышъушIынхэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм
и Тхьаматэу Владимир Нарожнэр