Партиеу «Единэ Россием» ишъолъыр ­къутамэ ия 37-рэ конференцие Адыгеим щыкIуагъ. Илъэсым Iофэу ашIагъэр ащ щызэфахьысы­жьыгъ, 2026-рэ илъэсым лъэныкъо шъхьаIэу зы­дэлэжьэщтхэм щатегущыIагъэх.

«Республикэм социальнэ-­экономикэ хэхъоныгъэ егъэ­шIыгъэным, цIыфхэм яIо­фы­гъохэр зэшIохыгъэнхэм, тарихъ шIэжьыр къэухъумэгъэным афы­тегъэпсыхьэгъэ партийнэ проект 22-рэ зы­хэхьэрэ народнэ программэм диштэу Iофышхо зэшIотхыгъ. Хэбзэ къулыкъухэмрэ обществэмрэ акIуачIэ зэрэзэдырахьылIагъэм, хэгъэгум ипащэхэм яIэпыIэгъу, лъэпкъ проектхэр, къэралыгъо программэхэр зэрэдгъэцэкIа­гъэхэм яшIуагъэкIэ кIэухы­шIухэм такъыфэкIон тлъэ­кIыгъ», — къыIуагъ Адыгеим и ЛIы­шъхьэ.
Партиеу «Единэ Россием» ишъолъыр къутамэ 2025-рэ илъэсым хэушъхьафыкIыгъэ дзэ операцием хэлажьэхэрэм ыкIи ахэм яунагъохэм Iэпы­Iэгъу ягъэгъотыгъэнымкIэ пшъэ­рылъэу яIэхэм ягъэ­цэкIэн лъигъэкIо­тагъ. Партиер кIэщакIо зэрэфэхъу­гъэм тетэу тихэгъэгу ишъолъы­рыкIэхэм ащыпсэухэрэм апае шIушIэ IэпыIэгъоу аугъоигъэр алъагъэIэсыгъ. ХэушъхьафыкIыгъэ дзэ операциер зы­щыкIорэ уахътэм къыщегъэ­жьагъэу шIу­шIэ IэпыIэгъоу тонн мини 5,5-м ехъу аIэкIагъэхьагъ.
Адыгеим щыпсэухэрэм Iоф адэшIэгъэныр, цIыфхэм ятхылъхэм ахэплъэгъэныр зы­дэлэ­жьэхэрэ лъэныкъо шъхьаIэхэм ащыщыгъ. ЦIыф­хэм къызыдырагъэштэрэ Шта­бэу общественнэ объединениехэр, хэбзэ къулы­къухэр, партием илIыкIохэр зэзыпхырэр а Iофым фэгъэ­загъ.
Партием хэхьэгъакIэхэм билетхэр конференцием къы­ща­ратыжьыгъэх. Джащ фэдэу партийнэ проектэу «Историческая память» зыфиIорэм ди­штэу гурыт еджапIэхэм ямузейхэм я Урысые зэнэ­къокъоу «Знать, чтобы помнить» зыцIэм щатекIуагъэхэри агъэшIуагъэх.
«ЗэшIотхын фаеу тапэкIэ Iофыбэ къэт. Тегугъумэ, къи­хьащт илъэсымкIэ гухэлъэу тиIэр зэкIэ зэрэдгъэцэкIэщтым сицыхьэ телъ», — къы­Iуагъ КъумпIыл Мурат.