Ермэлхьаблэ щызэхащагъ
СамбэмкIэ Урысые зэнэкъокъухэр къалэу Ермэлхьаблэ щырекIокIыгъэх.
Афганистан щыкIогъэ заом хэлэжьэгъэ дзэкIолIхэм яшIэжь фэгъэхьыгъэ турнирым спортсмени 100-м ехъу щызэIукIагъ.
Адыгэ Республикэм икIыгъэхэм гъэхъэгъэшIухэр ашIыгъэх, хагъэунэфыкIырэ чIыпIэхэр къыдахыгъэх. Хьакъуй Эльдаррэ Бэгъ Салимрэ тыжьын медальхэр къалэжьыгъ. Хьакурынэ Джамбулат ящэнэрэ чIыпIэр къыфагъэшъошагъ.
Тиспортсменхэм ыкIи ахэм ятренерхэм тафэгушIо.