ФутболымкIэ Адыгэ Республикэм икIымэфэ первенствэ къыдыхэлъытэгъэ зичэзыу ешIэгъухэр мы зыгъэ­псэфыгъо мафэхэм кIощтых. Непэ ятIонэрэ турым изэфэхьы­сыжьхэр тэшIых.

Ветеранхэм ялигэ хэт командэхэм яIэгъэ ешIэгъуищым гу­рытымкIэ къэлапчъэм Iэгоуи 5 щы­дадзагъ. «ВНГ-р» 5:1-у «Колизеим» текIуагъ. «Щагъдыир» «Джокерым» нахь лъэшыгъ, пчъа­гъэр — 4:2. «Делотехникэмрэ» «Альфа-Югымрэ» язэIукIэгъу пчъа­гъэр зэфэдизэу аухыгъ — 2:2.
Турнир таблицэм пэрытныгъэр щаIыгъ «ВНГ-м» ыкIи «Альфа-Югым». Мы командэхэм очко плIырыплI яI. «Щагъдыир» — ящэ­нэр, «Делотехникэр» — яплIэнэр. Ятфэнэрэ чIыпIэр зэдагощы «Джо­керым» ыкIи «Колизеим».
Тыгъэгъазэм и 20-м ветеранхэм ялигэ щешIэхэрэм зичэзыу зэIукIэгъухэр яIэщтых.
Апэрэ лигэм зыщызыушэты­хэрэм язэIукIэгъухэри гъэшIэ­гъоныгъэх. «ДЮСШ 09-м» ыкIи «Факелым» очко щырыщ къа­хьыгъ. «Спортмастерыр» 4:1-у «Тульскэм» текIуагъ. «Ошъуте­нэр» 5:1-у «Космосым» нахь лъэшыгъ, 5:1-у ешIэгъур аухыгъ. Джащ фэдэу текIоныгъэхэр къыдахыгъэх «Ансарым», «Легионым» ыкIи «Оазисым».
Я 2-рэ турым изэфэхьысыжьхэр:
«ДЮСШ 09» — «Хьатыгъу­жъыкъуай» — 2:0, «ДЮСШ 10» — «Факел» — 0:1, «Альянс» — «Ансар» — 0:4, «Легион» — «Канониры» — 4:0, «Оазис» — «Кристалл» — 2:0, «Тульскэр» — «Спортмастер» — 1:4, «Ошъутен» — «Космос» — 5:1.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Легион» — 6.
2. «Ошъутен» — 6.
3. «Спортмастер» — 6.
4. «ДЮСШ 09» — 6.
5. «Космос» — 3.
6. «Хьатыгъужъыкъуай» — 3.
7. «Тульскэр» — 3.
8. «Факел» — 3.
9. «Ансар» — 3.
10. «Оазис» — 3.
11. «Спортмастер-2» — 0.
12. «Альянс» — 0.
13. «Кристалл» — 0.
14. «ДЮСШ 10» — 0.
15. «Канониры» — 0.
    Апшъэрэ лигэм хэт ­командэхэм яешIэгъухэм язэфэхьысыжьхэр:
    «Легион» — «АГУ» — 0:3, «МФОК-у Ошъутен» — «Урожай» — 2:1, «Насып» — «Кавказ Адэмый» — 2:4.
    Командэхэр зыдэщыт чIыпIэхэр ыкIи очко ­пчъагъэу рагъэкъугъэр:

1. «МФОК-у Ошъутен» — 6.
2. «Кавказ Адэмый» — 6.
3. «АГУ» — 6.
4. «Урожай» — 0.
5. «Картонтара Юность» — 0.
6. «Насып» — 0.
7. «Легион» — 0.