КIэлэеджакIохэм язэнэкъокъу
Мыекъуапэ икIэлэеджакIохэм я Спартакиадэ къыдыхэлъытагъэу мы тхьамафэм теннис цIыкIумкIэ зэнэкъокъухэр рагъэкIокIыгъэх.
Iофтхьабзэр республикэм икъэлэ шъхьаIэ игурыт еджапIэу N 13-м щыкIуагъ.
Гъэсэныгъэм иучреждениехэу нэбгырэ миным ехъу зычIэсхэм язэнэкъокъу щытекIуагъ гурыт еджапIэу
N 7-р. Мыщ икомандэ хэтыгъэх Бзаго Даринэ, ащ ышнахьыжъэу Бзаго Дамир, Пэфыф Суандэ, Мерэм Амир. Мыекъопэ гимназиеу N 22-мрэ гурыт еджапIэу N 17-мрэ якIэлэеджакIохэм ятIонэрэ ыкIи ящэнэрэ чIыпIэхэр аубытыгъэх.
Мыщ къыкIэлъыкIогъэ мафэм гурыт еджапIэу N 13-м щеджэхэрэ Артем Вариводиныр, Владимир Скобелевыр, Хьабэхъу Даринэ ыкIи Юлия Харченкэр зыхэтыгъэхэ командэм текIоныгъэр къыдихыгъ. Мыекъопэ гимназиеу N 5-м ятIонэрэ чIыпIэр къыхьыгъ, гъэсэныгъэм игупчэу N 18-р ящэнэр.
ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэм кубокхэр, дипломхэр ыкIи щытхъу тхылъхэр афагъэшъошагъэх.