ГъашIэр кIыхьэным пай
«НасыпышIуагъэм ыныбжь» зыцIэ социальнэ проектым къыдыхэлъытагъэу зичэзыу Iофтхьабзэ Мыекъуапэ щыкIуагъ.
«Кавказ йогэм ишъэфхэр: псауныгъэмрэ гъэшIэ кIыхьэмрэ» зыфиIорэр ригъэкIокIыгъ АКъУ-м иректор когнитивнэ шIэныгъэхэмкIэ иупчIэжьэгъоу, кавказ йогэм и Ассоциацие ипащэу Жэнэ Заур. Илъэс 50-м къехъугъэу ар йогэм пылъ. Ащ ишапхъэхэмкIэ псауныгъэр зэрэбгъэпытэщтыр, мафэ къэс пкъышъолыр зэрэппсыхьащт шIыкIэр Iофтхьабзэм хэлэжьагъэхэм ащ къафиIотагъ. Зыныбжь хэкIотэгъэ нэбгырэ 50-м ехъу ащ къыугъоигъ. Мысатыу зэхахьэу «Физическэ культурэмрэ спортымрэ хахъо ягъэшIыгъэнымкIэ Гупчэр» Iофтхьабзэм икIэщакIу. «НасыпышIуагъэм ыныбжь» зыцIэ социальнэ проектэу Гупчэм ыгъэлажьэрэм ар къыдыхэлъытагъ. Ащ игъэцэкIэнкIэ республикэ бюджетым игрантэу мыгъэ къыдихыгъэр ыгъэфедагъ.
Анцокъо Ирин.