Iахьзэхэлъ обществэу «Урысыем и Почтэ» илъэсыкIэ мэфэкIхэм яхъулIэу пенсиехэмрэ социальнэ ахъщэ IэпыIэгъухэмрэ зэраIэкIагъэхьащт шIыкIэмкIэ макъэ къегъэIу. 2025-рэ илъэсым итыгъэгъэзэ мазэ телъытэгъэ ахъщэр графикым диштэу компанием тыгъэгъазэм къыкIоцI пенсионерхэм алъигъэIэсыщт. ИлъэсыкIэ мэфэкIхэм ялъэхъан почтэхэм яграфик диштэу 2026-рэ илъэсым щылэ мазэм и 3-м къыщегъэжьагъэу пенсиехэмрэ социальнэ ахъщэ IэпыIэгъухэмрэ аIэкIа­гъэхьащтых.
Урысыем и Социальнэ фонд ишъолъыр къутамэхэм къыздырагъэштэгъэ графикым тетэу Урысыем и Почтэ ахъщэхэр игъом алъигъэIэсыщтых.
Хэгъэгум щыпсэурэ нэбгырэ миллиони 9-м ехъумэ яфэIо-фашIэхэр «Урысыем и Почтэ» афегъэцакIэ. Ахэр контакт-гупчэ зыкIым ителефонэу 8(800) 100-00-00-мкIэ теонхэ е сайтэу «https://www.pochta.ru /person/pensions-and-benefits» зыфиIорэм ихьанхэ алъэкIыщт. Джащ фэдэу компанием исайтрэ игуадзэрэ пенсиехэм, социальнэ ахъщэ Iэпыгъухэм яхьылIэгъэ къэбархэр арагъотэщтых. Разделэу «Пенсиехэмрэ социальнэ ахъщэ IэпыIэгъухэмрэ» зыфиIорэм ахэр зыфэдизым, къазэраратырэ шIыкIэм, мафэм яхьылIэгъэ къэбар игъэкIотыгъэхэр итых.
Пенсиехэр, социальнэ ахъщэ IэпыIэгъур къазыщаратырэ почтэ къутамэр онлайн шIыкIэкIэ зэблахъун зэралъэкIыщтымкIэ Урысыем и Почтэ цIыфхэм макъэ арегъэIу.