Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!

Урысые Федерацием и Конституцие и Мафэ фэшI тышъуфэгушIо!
Закон ШъхьаIэм къэралыгъо гъэ­псыкIэм ылъапсэхэр, цIыфхэм яфи­тыныгъэ­хэр ыкIи хэгъэгум пэщэныгъэ зэрэдызэрахьащтым ишIыкIэ-амалхэр къегъэна­фэх. Конституцием обществэм ифедэхэр къеухъумэх, къэралыгъом ишъхьафитыныгъэкIэ гарантие къеты.
ТицIыфхэм тарихъ лъэпсэшхоу яIэр, ахэм ягушъхьэлэжь баиныгъэ къыгъэлъагъохэзэ, Урысые Федерацием и Конституцие ти Хэгъэгушхо нахь зэтегъэпсыхьагъэ хъуным, тиблэкIыгъэрэ тинепэрэ зэпхыныгъэ азыфагу илъыным афэIорышIэ.
ЦIыфыгъэ шэпхъэ дахэхэу лIэшIэгъу­бэмэ къакIоцI тызэрыгъуазэхэрэр зыфытегъэпсыхьагъэхэр культурнэ кIэныр къэухъумэгъэныр, яхэгъэгу шIу алъэ­гъоу ныбжьыкIэхэр пIугъэнхэр, лъэпкъ зэфэшъхьафхэм къахэкIыгъэхэу ыкIи дин зэмылIэужыгъохэр зылэжьыхэрэм зэгурыIоныгъэрэ зэзэгъыныгъэрэ азыфагу илъыныр, Урысыем къырыкIощтымкIэ пшъэдэкIыжь ахьэу ныбжьыкIэхэр пIугъэнхэр ары.
ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэрэ щыIэкIэшIурэ шъуиIэнхэу, Адыгеимрэ Урысыемрэ яфедэ зыхэлъ ублэпIэ пстэуми гъэхъагъэхэр ащышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр