Непэ Адыгеим и ЛIышъхьэ зэIухыгъэ зэдэгущыIэгъоу республикэм щыпсэухэрэм адыриIэщтым упчIэ ыкIи фэгъэзэн 750-м ехъу къагъэхьыгъ. УпчIэхэр джыри атхых.

ЦIыфхэр зыгъэгумэкIыхэрэ Iофыгъо пэпчъ анаIэ зэрэтырагъэтыщтыр, зэ­рэзэхафыщтыр КъумпIыл Мурат къы­Iуагъ, мы IофшIэным псэупIэ пэпчъ япащэхэр, къулыкъу пстэури хэгъэщагъэх. ГумэкIыгъо пстэури зэшIохыгъэ зэрэхъущтым республикэм ипащэ къыкIигъэтхъыгъ.
Номерэу 122-мкIэ ЛIышъхьэм зыфэ­жъугъэзэшъущт, джащ фэдэу электроннэ почтэу «kumpilov-online@mail.ru» зыфиIорэмкIи упчIэхэр жъугъэхьы­шъущтых.
ЗэIухыгъэ зэдэгущыIэгъур непэ пчыхьэм сыхьатыр 7-м телеканалэу «Урысыер-24-рэ» зыфиIорэмкIэ кIощт. Ащ КъТРК-у «Адыгеим» исайтрэ и Rutube-каналрэ, платформэу «Смотрим» зыфиIорэм шъущяплъышъущт, АР-м и ЛIышъхьэ иканалхэу МАХ-мрэ Telegram-мрэ, социальнэ хъытыухэу «ВКонтакте» ыкIи «Одноклассники» зыфиIохэрэм нэкIубгъохэу щариIэхэми ащызэжъугъэлъэгъушъущт. Эфирым «Урысыем ирадио» (98.8 FM) ыкIи «Маякым» (104 FM) джащ фэдэу шъущя­дэIушъущт.