Урысые Федерацием и Президентэу Владимир Путиным иунашъокIэ Адыгеим и Красногвардейскэ район ипащэу Гъубжьэкъо Темур къэралыгъом итынэу орденэу «Хэгъэгум ыпашъхьэкIэ гъэхъагъэхэр зэриIэхэм пае» зыфиIорэм иятIонэрэ шъуашэ зиIэ бгъэхалъхьэ къыратыгъ.

УФ-м и Президент и Администрацие ипащэ иапэрэ гуадзэу Сергей Кириенкэм ар Кремлым къыщыритыжьыгъ.
«Сыгу къыздеIэу сыфэгушIо Темур Ислъам ыкъом! Ифэшъошэ тыныр ишыхьат муниципальнэ псэупIэм ихэхъон иIахь ин ежь ышъхьэкIэ зэрэхилъхьагъэм, къызщыхъугъэ чIыгум къырыкIощтым чанэу зэрэхэлажьэрэм.
Псауныгъэм икъэухъумэн, гъэсэныгъэм, культурэмрэ спортымрэ атегъэ­псыхьэгъэ псэолъакIэхэр Красно­гвардейскэ районым щашIых, социальнэ объектхэр щагъэ­цэкIэжьых, инфраструктурэм хахъо фашIы, общественнэ чIыпIэхэр зэтыра­гъэпсыхьэх. Мы зэпстэури зэшIохыгъэ мэхъу муниципальнэ районым иадминистрациеу Гъубжьэкъо Темур зипащэм Iофэу зэрихьэхэрэм яшIуагъэкIэ. ТапэкIи районым, респуб­ликэм, зэрэ­къэралыгъо яфедэхэм атегъэпсыхьэгъэ гъэхъагъэхэр ышIынхэу сыфэлъаIо!» — къащитхыгъ исоциальнэ нэ­кIубгъохэм АР-м и ЛIышъхьэу КъумпIыл Мурат.