Урысыем и Следственнэ комитет иследственнэ ГъэIорышIапIэу Адыгэ Республикэм щыIэм МыекъуапэкIэ иследственнэ отдел иIофы­шIэхэм къаугъоигъэ материалхэмкIэ тикъалэ щыщ хъулъфыгъэм уголовнэ Iоф къыфызэIуахыгъ.

ЦIыфыр ыгъэщынэзэ ыкIи ыкIуачIэ рихьылIэзэ бзэджэшIагъэ зэрэзэрихьагъэм фэшI ар агъэмысагъ.
Следствием ыкIи хьыкумым зэри­гъэунэфыгъэмкIэ, 2025-рэ илъэсым Iоныгъом и 8-м агъэмысагъэр АР-м и Апшъэрэ хьыкум щыIэу Адыгэ телерадиокомпаниеу «Адыгеим» исъемочнэ куп къызелъэгъум, ыгъэщынэнхэ гухэлъ иIэу гущыIэ дысхэмкIэ адэгущыIагъ, операторым еуи, нэужым хьыкумыр къыбгынагъ.
Хьыкумым иунашъокIэ хъулъфыгъэм илъэситIурэ мэзищ хьапсрэ колоние-поселением щихьынэу тыралъхьагъ. Джащ фэдэу зэрар зырихыгъэхэм яфедэ хэлъэу сомэ мин 50 къырагъэпщыныгъ.