Тыгъэгъазэм и 9-р — Хэгъэгум и ЛIыхъужъхэм я Маф
Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
Хэгъэгум пае зышъхьамысыжьхэу лIыхъужъныгъэ зезыхьагъэхэм тызэрафэразэм, лъытэныгъэ зэрафэтшIырэм ишыхьат мы Мафэр. БлэкIыгъэм ыкIи непэрэ мафэм блэнагъэ зезыхьэхэрэм яхэгъэгу шIулъэгъоу фыряIэм, зышъхьамысыжьхэу ахэр шъхьафитныгъэм зэрэфэбанэхэрэм афэгъэхьыгъэу бэ зэхэтхырэр. Ахэм язекIуакIэ ныбжьыкIэхэр кIырэплъых, пшъэдэкIыжьэу ахьырэми хэхъо.
Хэгъэгум иухъумакIорэ ТекIоныгъэшхор къызыдэтхыгъэм ия 80-рэ илъэсрэ зыщыхэдгъэунэфыкIырэ лъэхъаным лъэпкъ зэфэшъхьафхэм къахэкIыгъэхэр нахь пытэу зэкъоуцонхэ, зэгурыIонхэ зэрэфаер нахь зэхэтэшIэ.
Непэ Урысыем идзэ хэт зэолIхэмрэ офицерхэмрэ Украинэм щыхъушIэрэ нацизмэм пэуцужьых, ти Хэгъэгушхо ыкIуачIэ зэрагъэпытэщтым зэрафэлъэкIэу ыуж итых.
Зипшъэрылъхэр дэгъоу зыгъэцэкIэрэ тидзэкIолIхэм тицыхьэ ателъ. ТекIоныгъэр къыдахынышъ, ягупсэхэм адэжь псынкIэу къагъэзэжьынэу ахэм тафэлъаIо.
ЗэкIэ Адыгеим щыпсэухэрэм псауныгъэ пытэ, щыIэкIэшIу яIэнэу, Iофэу агъэцакIэрэм гъэхъагъэхэр щашIынхэу афэтэIо! ЛIыхъужъыцIэр къыдэзыхыгъэ пстэури шъуищысэтехыпIэу, ти Хэгъэгу джыри нахь зэтегъэпсыхьагъэ зэрэхъущтым шъудэлэжьэн амал шъуиIэнэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет – Хасэм и Тхьаматэу
Владимир Нарожнэр