Республикэ естественнэ-хьисап еджапIэм чIэс Вла­дислав Кречетниковым обществэу «ШIэныгъэм» ишъолъыр къутамэ шIухьафтын къыфагъэшъошагъ.

Владислав проектнэ купым хэт, цIыфым изэхэлъыкIэ епхыгъэ апэрэ VR-атлас УрысыемкIэ зэ­хэзыгъэуцуагъэхэм ащыщ. Ар гъэсэныгъэ программэм пытэу хэуцуагъ, анатомием изэгъэшIэн­кIэ Iэрыфэгъу, джащ фэдэу зи­псауныгъэкIэ илэгъухэм акIэмы­хьэхэрэм (зэхэзымыхыхэрэм ыкIи зымылъэгъухэрэм) къызфагъэфедэн алъэкIы.
— ТекIоныгъэр сэ сизакъоу къыдэсхыгъэп. Анахьэу зишIуагъэ къысэкIыгъэхэ сянэ, гупчэу «Полярис Адыгея» зыфиIорэм икIэлэегъаджэхэм лъэшэу сафэраз. СитекIоныгъэ сегъэгушхо. Джы Адыгеир Урысыем зэрифэшъуа­шэу къызэрэщызгъэлъэгъощтым сишъыпкъэу ыуж ситыщт, — къы­Iуагъ кIэлэ ныбжьыкIэм.
Урысые обществэу «ШIэны­гъэр» просвещением ылъэны­къокIэ анахь дэгъухэр къыхэгъэщыгъэнхэм фэIорышIэ.
АР-м гъэсэныгъэмрэ шIэныгъэмрэкIэ
и Министерств.