Урым-рим бэнэнымкIэ Европэм ипервенствэ ты­жьын медаль къыщызыхьыгъэ Дмитрий Тимофеевым ишIэжь фэгъэхьыгъэ зэнэкъокъум Тэхъутэмыкъое районым испортсменитIу хагъэунэфыкIырэ чIыпIэ­хэр къыщыдахыгъэх.

Къалэу Владимир щызэхащэгъэ Iофтхьабзэм зыныбжь илъэс 24-м емыхъугъэхэм зыщаушэтыгъ.
Адыгэ Республикэр зэрифэшъуа­шэу турнирым къыщагъэлъэ­гъуагъ Хьатит Муратрэ Нэхэе Рэмэ­занрэ. Апэрэр килограмм 60-м нэс къэзыщэчыхэрэм якуп щыбэнагъ ыкIи текIоныгъэр къы­щыдихыгъ. ЯтIонэрэр килограмм 82-м нэс къэзыщэчыхэрэм ахэтыгъ, тыжьын медаль къыхьыгъ.
Тиспортсменхэм ыкIи ахэр зыгъасэхэрэм тафэгушIо, тапэкIи мыщ фэдэ гъэхъэгъэшIухэр ашIынхэу афэтэIо.