ДзюдомкIэ Джэджэ къоджэ псэупIэм иадми­нист­рацие ипащэ ишIухьафтын зэрылъ турнир мы мафэхэм рагъэкIокIыгъ.

Я 16-у зэхащэгъэ зэнэкъокъум ныбжьыкIэхэм зыщаушэтыгъ. Ахэр Адыгэ Республикэм ыкIи Краснодар краим япсэупIэ зэфэ­шъхьафхэм къарыкIыгъэх.
Мы спорт лъэпкъым хэхъоныгъэ ышIыным, ащ пыщагъэхэм япчъагъэ нахьыбэ шIыгъэным Iофтхьабзэр фэIорышIагъ ыкIи спортым ифестиваль шъыпкъэ хъугъэ.
Зэфэхьысыжьхэм зафэбгъа­зэ­мэ, анахь дэгъоу зыкъэзыгъэлъэ­гъуагъэхэр олимпийскэ резервым испорт еджапIэу Кобл Якъубэ ыцIэ зыхьырэм зыщызыгъасэхэ­рэр ары. Мыщ идзюдоисти 5-мэ текIоныгъэр къыдахыгъ: Мэрэ­тыкъо Мухьамэд, Тимур Смирновым, Хьабый Ахьмэд, Мэрэты-
къо Шъэлихь. Джащ фэдэу мы еджапIэм испортсменитIу тыжьын ме­дальхэр, нэбгыри 9-мэ ящэнэ-
рэ чIыпIэхэр афагъэшъошагъэх.