Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!

АмышIэрэ ДзэкIолIым и Мафэ зэрэхэдгъэунэфыкIырэм къегъэлъагъо Хэгъэгум зышъхьамысыжьэу къулыкъу фэзыхьыгъэхэм, япшъэрылъ агъэцакIэзэ фэхыгъэхэу зыцIэ амыгъэунэфыгъэхэм тызэрафэразэмрэ ахэр зэрэтщымыгъупшэхэрэмрэ.
Мы мафэм тыгу къэтэгъэкIыжьых зи Хэгъэгу къэзыухъумэзэ фэхыгъэхэр, ахэм ялIыхъужъныгъэрэ япсэемыблэжьныгъэрэ тарэгушхо. Илъэс 80-кIэ узэкIэIэбэжьмэ ТекIоныгъэшхоу къыдэтхыгъэм ишIуагъэкIэ хэгъэгу шъхьафитым тикIэлэцIыкIухэр щытпIунхэм иамал щыIэ хъугъэ.
Тэ типшъэрылъ шъхьаIэр тятэхэмрэ тятэжъхэмрэ лIыхъужъныгъэу зэрахьагъэр зыщытымыгъэгъупшэу ти Хэгъэгушхо джыри нахь зэтегъэпсыхьагъэ хъунымкIэ тизыкIыныгъэрэ тизэкъотныгъэрэ нахь дгъэпытэнхэр ары. Япшъэрылъ агъэцакIэзэ фэхыгъэхэу зыцIэ амыгъэунэфыгъэхэм якъэгъотын епхыгъэ IофшIэныр лъыдгъэкIотэным мэхьанэшхо иI.
ТичIыпIэгъу лъапIэхэр, тыгу къыддеIэу зэкIэми тышъуфэлъаIо псауныгъэ пытэ шъуиIэнэу, шъунасыпышIонэу, Урысыем ифедэ зыхэлъ Iофэу жъугъэцакIэрэм гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу
«Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр