ГандболымкIэ Урысыем и Суперлигэ хэт «АГУ-Адыифыр» мы мафэхэм командэу «Ладэм» дешIагъ. Тольятти щыкIогъэ зэIукIэгъум бысымхэр хэпшIыкIэу нахь щылъэшыгъэх, текIоныгъэр къыдахыгъ.

«Лада» — «АГУ-Адыиф» — 45:25 (22:11)
«Ладэм» щешIагъэх: къэлэп­чъэIутхэр — Кунцевич, Семинар. Беспаловар — 6, Матюхинар — 5, Ереминар — 5, Дворцеваяр — 5, Семайкинар — 4, Островскаяр — 4, Жилинскайте — 3, Осиповар — 3, Терлецкаяр — 3, Макеевар — 3, Рахмаевар — 2, Мишуринар — 1, Филинар — 1.
«АГУ-Адыифым» хэтыгъэх: къэлэпчъэIутхэр — Черницовар, Гобадзе, Черновар. Вайкум — 6, Коваленкэр — 4, Миловар — 3, Казихановар — 3, Хавронинар — 2, Коблыр — 2, Салаховар — 1, Утаровар — 1, Краснокутскаяр — 1, Косаревар — 1, Кожубековар — 1.
Зэнэкъокъум иятIонэрэ къе­кIо­кIыгъокIэ мыр апэрэ ешIэ­гъугъ. Адыгеим игандболисткэхэм къэлапчъэм апэрэ Iэгуаор зыдадзэн алъэкIыгъэр я 8-рэ такъикъыр ары ныIэп, а уахъэм пчъагъэр 0:7-у бысымхэм зэIукIэгъур ахьыщтыгъ. Я 20-рэ такъикъым «Ла­дэр» Iэгоо 11-кIэ тапэ итыгъ ыкIи апэрэ таймыр 22:11-у ыхьыгъ.

ЯтIонэрэ таймыри апэрэм зы­кIи текIыгъэп. Бысымхэм зэлъыпытэу къэлапчъэм Iэгоуи 5 да­дзагъ. Тикомандэ хэтхэм анахь къахэщыгъэр Валерия Вакум, ащ къэлапчъэм Iэгоуи 6 дидзагъ.
— Непэ дэеу тешIагъ, зи къыд­дэхъугъэп. Пшъашъэхэм ясIуа­гъэр агъэцэкIагъэп. Арышъ, тапэкIэ мыщ фэдэ хэукъоныгъэхэр тымышIынхэм фэшI Iоф зыдэтшIэжьыщт, — къыIуагъ «АГУ-Адыифым» итренер шъхьаIэу Никита Голуб.
Я 12-рэ турым изэфэхьысыжьхэр:
«Ростов-Дон» — «Уфа-Алиса» — 46:24, «Лада» — «АГУ-­Адыиф» — 45:25, «Луч» — «Динамо-Синара» — 30:34, «Черноморочка» — «Кубань» — 26:24, «Астраханочка» — «Университет» — 40:17, «Звезда» — «ЦСКА» — 27:32.
Турнир таблицэм «АГУ-Адыифыр» я 9-рэ чIыпIэм щыт. «Рос­тов-Доным» пэрытныгъэр ыIыгъ, мыщ зэIукIэгъу 12 иIагъ, зэкIэми текIоныгъэ къащыдихыгъ. Тыгъэгъазэм и 6-м тикомандэ Мые­къуапэ щешIэщт, «Астраханочкэр» тихьакIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 24.
2. «ЦСКА» — 22.
3. «Лада» — 17.
4. «Астраханочка» — 16.
5. «Черноморочка» — 15.
6. «Звезда» — 13.
7. «Динамо-Синара» — 12.
8. «Кубань» — 9.
9. «АГУ-Адыиф» — 7.
10. «Луч» — 7.
11. «Уфа-Алиса» — 2.
12. «Университет» — 0.