Тыгъэгъазэм и 1-м щыублагъэу и 10-м нэс партиеу «Единэ Россием» ишъолъыр ыкIи чIыпIэ общественнэ приемнэхэм цIыфхэр ащырагъэблэгъэщтых.

Урысые политическэ партиер зызэхащагъэр илъэс 24-рэ зэрэхъурэм ар епхыгъ.
— Мы мафэхэм шъо­лъырым исхэм псэупIэ-­коммунальнэ хъызмэтым, социальнэ IэпыIэгъум, псауныгъэм, ныгъом, кIэ­лэцIыкIугъом, IофшIапIэхэм аIутхэм яфитыныгъэхэм якъэухъумэн, бизнесым япхыгъэ упчIэу яIэхэм яджэуапхэр ара­ты­жьыщтых, зищыкIагъэм Iэпы­Iэгъу ыгъотыщт. Партием ишъолъыр къулыкъухэм япащэхэр, шъолъыр къулыкъу зэ­фэшъхьафхэм, органи­зациехэм ялIыкIохэр цIыфхэм аIукIэщтых, — къыщаIуагъ партием ишъолъыр къутамэ.
Къэбарэу пылъыр нахь игъэкIотыгъэу зэзгъашIэмэ е зязгъэтхымэ зышIоигъохэр «линие плъырым» ителефонкIэ къытеонхэ алъэкIыщт: (8772) 52-76-03. Мы адресым къекIуалIэхэми атхыщтых: къалэу Мыекъуапэ, урамэу Пролетарскэр, 449-рэ. Электроннэ почтэр агъэфедэми хъущт: op@adygei.er.ru.