2025-рэ илъэсыр къызихьагъэм къыщыублагъэу кIэлэцIыкIу ыпIунэу зыштэгъэ унэгъо 34-мэ УФ-м и Социальнэ фонд и Къутамэу АР-м щыIэм зэтыгъо ахъщэ тынхэр аритыгъэх. Ащ пстэумкIи сомэ миллионитIум ехъу апэIуи­гъэхьагъ.

Мы ахъщэр сабыим лъыплъэнэу е ыпIунэу зыштагъэхэм апае къэралыгъо IэпыIэгъоу щыт. УФ-м ицIыфхэу мыщ щыпсэухэрэр ары къаратынэу фитыныгъэ зиIэхэр. Ар сомэ 26941,71-рэ мэхъу. Сэкъатныгъэ зиIэ кIэлэцIыкIу, илъэси 7-м зыныбжь ехъугъэ е зэш-зэшыпхъу­хэр алъыплъэнхэу е апIунхэу зыштэхэрэм, сабый пэпчъ, сомэ 205856,61-рэ зэтыгъоу къараты.
Ахъщэ тыныр къызфэкIонэу фаехэм къэралыгъо фэIо-фашIэхэм япортал лъэIу тхылъыр щатын алъэ­кIыщт, Социальнэ фондым и Къутамэу АР-м щыIэм икъулыкъоу цIыфхэм Iоф адэзышIэрэм е муниципальнэ фэIо-фашIэхэр зыщагъэцакIэхэрэ Гупчэм якIуалIэхэми аIахыщт.
«КIэлэцIыкIур ыпIунэу зыштагъэм иIоф хьыкумыр хаплъи, къызэрэдыригъэштагъэр къэзыушыхьатырэ тхылъым икопие къатынэу ары ныIэп ищыкIагъэр, адрэ тхылъхэр ти­специалистхэм къулыкъу зэфэшъхьафхэм зэпхыныгъэ адыряIэу къаугъоищтых», — къы­Iуагъ УФ-м и Социальнэ фонд и Къутамэу АР-м щыIэм ипащэу Мэщ­лIэкъо Хьамидэ.
Унагъом кIэлэцIыкIур ыпIунэу зэриштэщтым хьыкумыр зыхэплъагъэм ыуж мэзих темышIэзэ лъэIу тхы­лъыр ытын фае. Ащ зэрэхэплъэщтхэм мэфи 10 пIалъэу пылъ. НэмыкI тхылъхэр ищыкIагъэхэ зыхъукIэ ар мэфэ 20-м нэ­сэу лъагъэкIотэнэу хэбзэгъэуцугъэм фитыныгъэ къеты.
УпчIэ зиIэр мы телефонымкIэ къытеон ылъэкIыщт: 8(800)100-00-01 (ыпкIэ хэлъэп), блыпэ-мэфэку мафэхэм пчэдыжьым сыхьатыр 9-м къыщыублагъэу пчыхьэм 6-м нэс, бэрэскэшхом сыхьатыр 9-м къыщыублагъэу 5-м нэс Iоф ашIэ.
Социальнэ хъытыуми тарыт: https://vk.com/sfr.respublikaadigeya, https://ok.ru/group/70000001891168, https://t.me/osfrrespublikaadigeya.