Адыгэ Республикэм щыпсэухэу лъытэныгъэ зыфэтшIыхэрэр!
Ныбджэгъу лъапIэхэр!
Тибзылъфыгъэ гохьхэр!

Гуфэбэныгъэ ин зыхэлъ мэфэкIым — Ным и Мафэ фэшI тышъуфэгушIо!
Мы мафэм Урысыем щыпсэухэрэм анахь къапэблэгъэ, ягупсэ цIыфхэм — янэхэм, янэжъхэм, къафэгумэкIыхэрэм, зыпIухэрэм, щыIэныгъэм игъогу тезыщэхэрэм лъытэныгъэ ин зэрафашIырэр, ахэм зэрафэразэхэр араIо.
Тибзылъфыгъэ-ны лъапIэхэр, шъуигуфэбагъэ, шъуи­Iушыгъэ, шъуигукIэгъу апае тхьашъуегъэпсэушхо шъотэIо.
Сабыибэ зиIэ ныхэр ары анахьэу тызфэгушIохэрэр ыкIи тызфэразэхэр. Мафэ къэс пшъэдэкIыжь ин зы­хэлъ Iофышхоу ахэм агъэцакIэрэм пае лъытэныгъэ ин къалэжьыгъ.
Бзылъфыгъэ-ныхэм щыIэкIэ тэрэз яIэу ясабыйхэр апIунхэмкIэ, амал дэгъухэр яIэнхэмкIэ тиреспубликэ ищыкIэгъэ Iофтхьабзэхэр зэкIэ щызэрахьащтых.
Псауныгъэ пытэ, щыIэкIэшIу, насып шъуиIэнэу зэкIэми тышъуфэлъаIо. Шъуиунагъохэм шIулъэгъурэ зэгурыIоныгъэрэ арылъынэу, шъуикIэлэцIыкIухэмрэ шъуипхъорэлъфхэмрэ ящхы чэф макъэ ренэу шъугу къыIэтынэу шъуфэтэIо!
Адыгэ Республикэм и ЛIышъхьэу,
Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр