Урысыем и Следственнэ комитет иследственнэ ГъэIорышIапIэу Адыгэ Республикэм щыIэм Джэджэ районымкIэ иследственнэ отдел иследовательхэм Шэуджэн районым ипащэ иапэрэ гуадзэ ылъэныкъокIэ уголовнэ Iоф къызэIуихыгъ. ИIэнатIэ къызэрэзфигъэфедагъэм фэшI ар агъэмысэ.

Урысыем и Следственнэ комитет иследственнэ ГъэIорышIапIэу Адыгэ Республикэм щыIэм ипащэу Василий Лариным, джащ фэдэу АР-м хэгъэгу кIоцI IофхэмкIэ и Министерствэ экономикэ щынэгъончъэнымкIэ и ГъэIорышIапIэ цIыфхэм адыряIэгъэ зэIукIэгъум къыкIэлъыкIоу уголовнэ Iофыр къызэIуа­хыгъ.
Следствием зэригъэунэфыгъэмкIэ, 2024-рэ илъэсым Шэуджэн район администрацием шапхъэу щыIэхэр ыукъозэ, Кощхьэблэ районым ит поселкэу Майскэм сабый ибэм унэ щыфащэфыгъ.
Нэужым зэрагъэунэфыгъэмкIэ, псэупIэр хэбзэгъэуцугъэм къыдилъытэрэ шапхъэхэм адиштэрэп, ар къеушыхьаты чIэхьапIэм ыкIи шхапIэм ателъ джэха­шъор шъунэу зэрэригъэжьагъэм, зэрэпщэрыхьэхэрэ хьакур ыкIи псыр зыгъэфа­бэрэм Iоф зэримышIэрэм. Ащ нэмыкIэу, игъэкIотыгъэ гъэцэкIэжьын IофшIэнхэм ауасэ амытыгъэу унэм чIыфэ телъыгъ.
Мы уахътэм ехъулIэу уголовнэ IофымкIэ следовательхэм ыкIи криминалистхэм следственнэ IофшIэнхэр зэрахьэх, бзэджэшIагъэм лъапсэ фэхъугъэр агъэунэфы.
Урысыем и Следственнэ комитет иследственнэ ГъэIорышIапIэу Адыгэ Республикэм щыIэм ипащэу В. Лариныр уголовнэ Iофыр зэрэкIорэм ышъхьэкIэ лъэплъэ.