ГандболымкIэ Урысыем и Суперлигэ хэт «АГУ-Адыифыр» мы мафэхэм командэу «Университетым» дешIагъ. ЗэIукIэгъур Ижевскэ щыкIуагъ.

«Университет» — «АГУ-Адыиф» — 24:32 (9:18)
«Университетым» щешIагъэх: къэлэпчъэIутхэр — Ермаковар, Савельевар. Шкляевар — 6, Басанговар — 5, Вахрушевар — 4/1, Низовцевар — 3, Шулятьевар — 2/2, Минабутдиновар — 1, Артемьевар — 1, Жуковар — 1, Шакирьяновар — 1.
«АГУ-Адыифым» хэтыгъэх: къэлэпчъэIутхэр — Черницовар, Черновар, Гобадзе. Вайкум — 7, Хавронинар – 5/2, Смирновар – 5/1, Коблыр – 4, Миловар – 3, Краснокутскаяр — 2, Салаховар — 2, Утаровар — 1, Казихановар — 1, Коваленкэр — 1, Кожубековар — 1.
Мыекъуапэ игандболисткэхэр нахь лъэшэу зэрешIэхэрэр къагъэ­шъыпкъэжьыгъ. ЗэIукIэгъум ипэублэ къыщегъэжьагъэу ахэр ыпэкIэ илъыщтыгъэх ыкIи апэрэ таймыр Iэгоуи 10-кIэ бысымхэм апэ итхэу аухыгъ. Тикомандэ хэт Валерия Вайкум зичэзыу ешIэгъу дахэ къыгъэлъэгъуагъ, ащ къэлапчъэм Iэгоуи 7 дидзагъ. Ти­къэлэпчъэIутхэм зэкIэми къэ­гъэлъэгъон дэгъухэр яIэх. Я 38-рэ такъикъым Дарья Миловам карточкэ плъыжь къыра­гъэлъэгъуи, ешIапIэм къырагъэ­кIыгъ нахь мышIэми, «АГУ-Адыифым» текIоныгъэр къыдихыгъ, пчъагъэр — 32:24-у зэIукIэгъур ау­хыгъ.
— Гъогум сыхьат 30 фэдиз ыхьыгъ. Апэрэ едзы­гъом елъытыгъэмэ, ятIонэ­рэм тиешIакIэ нахь къеIыхыгъ, — къыIуагъ «АГУ-Адыифым» иешIэ­кIо анахь дэгъоу къыха­гъэ­­щыгъэ Тамара Гобадзе.
Турнир таблицэм къэгъэлъэ­гъон тедзэхэмкIэ тикомандэ «Лучым» (Москва) ыпэ ишъи, я 9-рэ чIыпIэм къэкIожьыгъ. Зэнэкъокъум пэрытныгъэр щызыIыгъыр «Рос­тов-Доныр» ары. Непэ «АГУ-Ады­ифыр» Тольятти къэзыгъэлъэгъорэ «Ладэм» дешIэщт.
Командэхэр зыдэщыт чIыпIэхэр ыкIи очко пчъагъэу ра­гъэкъугъэр:

1. «Ростов-Дон» — 22.
2. «ЦСКА» — 20.
3. «Лада» — 15.
4. «Астраханочка» — 14.
5. «Черноморочка» — 13.
6. «Звезда» — 13.
7. «Динамо-Синара» — 10.
8. «Кубань» — 9.
9. «АГУ-Адыиф» — 7.
10. «Луч» — 7.
11. «Уфа-Алиса» — 2.
12. «Университет» — 0.