Мыекъуапэ щэкIо
Физкультурэ-спорт Iофтхьабзэу «IофшIэным ыкIи зыкъэухъумэжьыным сафэхьазыр» зыфиIорэм итхьамафэ республикэм икъэлэ шъхьаIэ щэкIо.
Мыщ хэлажьэхэрэм бгъэхалъхьэхэр къалэжьынхэм фэшI шапхъэхэр атых. Джырэ уахътэм ехъулIэу нэбгыри 9-мэ дышъэ бгъэхалъхьэхэр афагъэшъошагъэх. Ахэр апшъэрэ классхэм арыс кIэлэеджакIох. Гурыт сэнэхьат зыщарагъэгъотырэ ыкIи апшъэрэ еджапIэхэм ачIахьэхэ зыхъукIэ мы баллэу къахьыгъэхэм яшIуагъэ къэкIощт.
Шапхъэхэр зыты зышIоигъохэр мафэ къэс пчэдыжьым республикэ стадионэу «Зэкъошныгъэм» къекIолIэнхэ алъэкIыщт. Физкультурэ-спорт Iофтхьабзэу «IофшIэным ыкIи зыкъэухъумэжьыным сафэхьазыр» зыфиIорэм изичэзыу тхьамафэ тыгъэгъазэм ыкIэм зэхащэщт.