Журналистикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэнымкIэ Комиссием зэхэ­сыгъоу иIагъэм Адыгэ Республикэм и ЛIышъхьэрэ министрэхэм я Кабинетрэ я Администрацие ипащэ игуадзэу З. А. Къонэм тхьамэтагъор щызэрихьагъ. Гъэзетхэм (журналхэм) къащыхаутыгъэ, телевидениемкIэ, радиомкIэ къатыгъэ IофшIагъэхэу 2025-рэ илъэсым журналистикэм ылъэныкъокIэ Адыгэ Республикэм и ЛIышъхьэ ишIухьафтын зыфагъэшъуа­шэмэ хъущтхэр къэгъэлъэгъогъэнхэм ехьылIэгъэ Iофыгъом зэхэсыгъом щыхэплъагъэх.
Гъэзетхэм (журналхэм) къащыхаутыгъэхэм ащыщэу журналистикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэ­нымкIэ мы къыкIэлъыкIорэ IофшIэгъи­тфымэ ахэплъэнхэу унашъо мыщ ща­штагъ:
— республикэ гъэзетэу «Советскэ Адыгеим» пшъэдэкIыжь зыхьырэ исекретарэу Г. В. Шевелевам истатьяу «Мурат Х.: «У российских воинов особый дух, который объединяет жителей больших и малых регионов» зыфиIоу бэдзэогъум и 3-м «Советскэ Адыгеим» къыщыхаутыгъэр;
— республикэ гъэзетэу «Адыгэ ма­къэм» иобозревателэу И. Б. Хьабэхъум итхыгъэу «Iэзэгъу хъурэ творчествэр» зыфиIоу бэдзэогъум и 24-м «Адыгэ макъэм» къихьагъэр;
— гъэзетэу «Майкопские новости» иредактор-консультантэу В. В. Корниенкэр къалэу Курскэ, Донецкэ, Луганскэ хэкухэм зэращыIагъэм икIэуххэм атетэу ытхыгъэ статьяхэу «Добавленное время, или Донбасс женскими глазами», «Курск: 1943-й, 2000-й, 2024-й», «И никакая нечисть нам не страшна» зыфиIохэу щылэ мазэм и 30-м, гъэтхапэм и 20-м, бэдзэогъум и 31-м мы гъэзетым къыщыхаутыгъэхэр;
— гъэзетэу «Единствэм» икорреспондентэу М. А. Устэкъом истатьяу «На мне ее отпечаток» зыфиIоу шэкIогъум и 1-м мы гъэзетым къихьагъэр;
— гъэзетэу «Единствэм» иIофышIэ куп (редактор шъхьаIэу С. А. ПхъэчыяшIэм, корреспондентэу М. А. Устэкъом, пшъэдэкIыжь зыхьырэ секретарэу А. А. ПсыIушъом) ыгъэхьазырыгъэ тхыгъэхэу «Лица Победы» зыфиIорэ рубрикэр зиIэхэу 2025-рэ илъэсым мы гъэзетым къыщыхаутыгъэхэр.
Телевидениемрэ радиомрэкIэ къатыгъэхэм ащыщэу журналистикэм ылъэныкъокIэ Адыгэ Республикэм и ЛIышъхьэ ишIухьафтын афэгъэшъошэгъэ­нымкIэ ахэплъэнхэу мы къыкIэлъыкIорэ IофшIэгъитфыр аштагъ:
— ток-шооу «Позывной «Вечность» зыфиIоу Къэралыгъо телерадиокомпаниеу «Адыгеим» икъэтынхэр зезыщэу Р. Н. Ахыджагом, режиссерэу, продюсерэу Р. А. Хьакъулэм, апэрэ категорие зиIэ корреспондентэу В. Р. Голубевам, апэрэ категорие зиIэ телеоператорхэу А.В. Никановым, А. А. Шъэджашъэм зэдагъэхьазырыгъэр;
— телемарафонэу «Земля героев» зыфиIоу къэтынхэр зезыщэрэ А. В. Пэнэшъум, Р. А. Хьакъулэм, А. К. Къуи­жъым, С. Б. ТIэшъум, Т. В. Беловам, З. М. Беданэкъом, М. А. Пщыжъым, В. Р. Голубевам, А. А. Къудаикъом зэдагъэхьазырыгъэр;
— патриотическэ спецпроектэу «Эпоха героев» зыфиIоу Мыекъопэ телевидением икорреспондентэу А. В. Федько, режиссерэу А. Хь. ЛъыпцIэм, телеоператорэу Р. Къ. Тулпарым зэдагъэхьазырыгъэр;
— къэтынэу «Краденое детство» зыфиIоу Мыекъопэ телевидением икъэ­тынхэр зезыщэу, корреспондентэу С. Н. Абакумовам, режиссерэу Е. Д. Абатуровам, телеоператорэу Р. Къ. Тулпарым зэдагъэхьазырыгъэр;
— документальнэ фильмэу «Свалившие фашизм» зыфиIоу Мыекъопэ телевидением икъэтынхэр зезыщэу, икорреспондентэу А. А. Грюнер, режиссерэу А. Хь. ЛъыпцIэм, телеоператорэу А. А. Зелинскэм зэдагъэхьазырыгъэр.
ШIухьафтыныр зыфагъэшъошэнэу Комиссием игъо ылъэгъухэрэр мы илъэ­сым тыгъэгъазэм и 1-м нахь мыгужъоу Адыгэ Республикэм и ЛIышъхьэ IэкIагъэхьащтых.