Росгвардием и ГъэIорышIапIэу Адыгэ Республикэм щыIэм лицензиехэмкIэ и Гупчэ иинспекторхэм цIыфхэм зафагъазэ шIоигъоныгъэ зиIэхэм Iашэу аIэкIэлъыр хэушъхьафыкIыгъэ дзэ операцием хэлажьэхэрэм апае къатынэу.

Росгвардием и ГъэIорышIапIэу Адыгэ Респуб­ликэм щыIэм шъугу къегъэкIыжьы, 2024-рэ илъэ­сым шышъхьэIум къыщегъэжьагъэу УФ-м игражданхэм фитыныгъэ яI хэ­бзэ унашъом тетэу яIэ хъугъэ Iашэр къэралыгъо дзэ организациехэм аратынхэу (аращэнхэу), нэмыкIэу къэпIон хъумэ, хэушъхьафыкIыгъэ дзэ операцием хэлажьэхэрэм апае Росгвардием ыкIи зыкъэухъумэжьынымкIэ Министерствэм аIэкIагъэ­хьанхэу.

Росгвардием испециалистхэм къызэрэхагъэщырэмкIэ, Iашэм игъэфедэн пшъэрылъ шъхьаIэу къыдилъытэрэр цIыф зэрымыс быбырэ аппаратхэм апэшIуекIогъэнхэр ары.
Росгвардием и ГъэIорышIапIэу Адыгэ Респуб­ликэм щыIэм лицензие IофшIэнымкIэ и Гупчэ къызэритыгъэмкIэ, зиIа­шэрэ ащ игъусэ патронхэмрэ зыты зышIоигъохэм зэзэгъыныгъэ адашIы. А лъэныкъомкIэ зи къиныгъо щыIэп. Министерствэм идзэкъулыкъушIэхэм ыкIи лъэпкъ гвардием идзэхэу хэушъхьафыкIыгъэ дзэ операцием хэлажьэхэрэм ащ тетэу адеIэщтых.
Ащ фэгъэхьыгъэу лъэIу тхылъ шъутхыным пае Рос­гвардием исайт ихэу­шъхьафыкIыгъэ едзыгъо шъуихьан е GR-кодыр жъугъэфедэн шъулъэ­кIыщт.