Адыгэ Республикэм иоперативнэ штаб террористическэ актхэм апэуцужьыгъэнымкIэ команднэ-штаб егъэджэнхэр бэмышIэу Теуцожь районым щызэхищагъэх.

Террористическэ щынагъо зэрэщыIэмкIэ, терроризмэм Адыгэ Респуб­ликэм щыпэшIуекIогъэнымкIэ оперативнэ штабым хэтхэм Iофтхьабзэу зэрахьащтхэмкIэ къулыкъу зэфэшъхьафхэм макъэ зэрарагъэIущт шIыкIэм мыщ щыфагъэсагъэх.
Къэбархэм яшъып­къагъэ уплъэкIугъэнымкIэ, оперативнэ штабым имылъку гъэфедэгъэнымкIэ шIэныгъэу, къулайныгъэу яIэхэм уасэ афа­шIыгъ. Апэрэ чэзыоу зе­хьэгъэн фэе амалхэр къы­хахыгъэх. Террористхэр къэубытыгъэнхэмкIэ, террористическэ актым къыздихьыгъэ тхьамыкIагъохэр дэгъэзыжьыгъэнхэмкIэ Iофтхьабзэу зэрахьащтхэр агъэнэфагъэх.
ЩынэгъончъэнымкIэ Федеральнэ къулыкъум Адыгэ РеспубликэмкIэ и ГъэIорышIапIэ, Адыгеим хэгъэгу кIоцI IофхэмкIэ и Министерствэ, Росгвардием и ГъэIорышIапIэ, Урысыем ошIэ-дэмышIэ Iоф­хэмкIэ и Министерствэ АР-мкIэ и ГъэIорышIапIэ ялIыкIохэмрэ яподразделениехэмрэ егъэджэн-
хэм ахэлэжьагъэх. Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ
и ГъэIорышIапIэ ипащэу М. Н. Кемеровыр ары команднэ-штаб егъэджэнхэмкIэ пэщэныгъэ зезы­хьагъэр.
Урысыем щынэгъон­чъэнымкIэ и Федеральнэ къулыкъу АдыгеимкIэ и ГъэIорышIапIэ цIыфхэм сакъыныгъэ къызхагъэфэн зэрэфаер агу къе­гъэкIыжьы. Шъуицыхьэ зытемылъ цIыфхэм, зыми имые пкъыгъохэу (Iалъ­мэкъхэу, нэмыкIхэу), къа­гъэо­рэ пкъыгъохэр зэры­лъын ылъэкIыщт автотранспортэу къагъотыхэрэм афэсакъынхэу ар къяджэ.
Диверсионнэ-террористическэ акт зэрагъэхьазырырэм икъэбар зызэхэшъу­хыкIэ:
— псынкIэу хэбзэухъу­мэкIо къулыкъухэм ащкIэ макъэ яжъугъэIу;
— диверсионнэ-террористическэ актыр зыщызэрахьан алъэкIыщт чIыпIэм цIыфхэмрэ транспортымрэ емыкIолIэнхэмкIэ шъуфэлъэкIыщтыр зэкIэ шъушIэ;
— оперативнэ-лъы­хъо­кIо купыр къэсыфэ шъуеж.
Гуцаф шъозыгъэшIырэ горэ зэрэшъулъэгъугъэм лъыпытэу хэбзэухъумэкIо къулыкъухэм яIофышIэхэм шъуафытеу.
Сакъыныгъэ къызхэжъу­гъафэмэ, бзэджэшIагъэр щыжъугъэзыен, о пшъхьи, нэмыкIхэми ящынэгъон­чъагъэ къэшъуухъумэн зэ­рэшъулъэкIыщтыр зыщышъумыгъэгъупш!
Адыгэ Республикэм иоперативнэ штаб
иаппарат.