Программэу «Приоритет-2030» зыфиIорэм изэфэхьысыжьхэмкIэ, Адыгэ къэралыгъо университетым 2025-рэ илъэсым гъэхъэгъэшIухэр ышIыгъэх, ящэнэрэ купым къикIи, ятIонэрэм къэкIуагъ. Ащ ишIуагъэкIэ апшъэрэ еджапIэм къэкIорэ илъэсым сомэ миллион 400 къыфатIупщыщт.

ЗэкIэмкIи университетхэм сомэ миллиард 26,8-рэ атырагощэщт. АКъУ-р программэу «Приоритет-2030» зыфиIорэм 2021-рэ илъэсым къыщегъэжьагъэу хэлажьэ.
— Мы къэгъэлъэгъоным Адыгеим иапшъэрэ гъэсэныгъэ хэхъоны­гъэхэр зэришIыхэрэр ыкIи зызэриушъомбгъурэр къеушыхьаты. Студентхэм ыкIи ушэтэкIо ныбжьыкIэхэм амалыкIэхэр аIэкIэлъ мэхъу, — къыщаIуагъ апшъэрэ еджапIэм ипресс-къулыкъу.