Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэрэ Адыгэ Республикэм хэгъэгу кIоцI IофхэмкIэ и Министерствэрэ яIофышIэхэм Мыекъуапэ щыщ хъулъфыгъэу илъэс 50 зыныбжьым хэбзэнчъэу кIэрахъо ышIыгъэу ыкIи ар иунэ щиIыгъыгъэу къыхагъэщыгъ.

ХэбзэухъумакIохэм оперативнэ-лъыхъон Iофтхьа­бзэхэр зызэхащэхэм, хъулъфыгъэм ыIэкIэ ышIыгъэ кIэрахъор, щэхэр, шхончыкухэу станокымкIэ ащ къыдигъэкIыгъэхэр иунэ къырагъотагъэх.
Урысыем щынэгъончъэнымкIэ и Федеральнэ ­къулыкъу Адыгэ РеспубликэмкIэ и ГъэIорышIапIэ иIофышIэхэм Iахыфэ нэс ежь-ежьырэу ыгъэхьазырыгъэ пкъыгъохэр хъулъфыгъэм иунэ щиIы­гъыгъэх.
Урысыем хэгъэгу кIоцI IофхэмкIэ и Министерствэ МыекъуапэкIэ иследственнэ къутамэ Урысыем и Уголовнэ кодекс ия 222-рэ статья иа 1-рэ Iахь, ия 223-рэ статья иа 1-рэ Iахь зигугъу къашIырэ бзэджэшIагъэхэр зезыхьэгъэ хъулъфыгъэм уголовнэ Iофхэр къыфызэIуихыгъэх.