Муниципальнэ образованиеу «Абдзэхэхьэблэ къоджэ псэупIэм» иадминистрацие зэхэщэн IофхэмкIэ иотдел ипащэу Н. Ю. Шаульскаям къыфызэIуахыгъэ IофымкIэ Мые­къо­пэ район хьыкумым кIэух зэфэхьы­сыжьхэр ышIыгъэх.

Урысыем и Уголовнэ кодекс ия 292-рэ статья иа 1-рэ Iахь зигугъу къышIырэ бзэджэшIагъэр зэрихьагъэкIэ ар агъэмысагъ.
Урысыем щынэгъончъэнымкIэ и Федеральнэ ­къулыкъу Адыгэ РеспубликэмкIэ и ГъэIорышIапIэ иIофышIэхэм зэрагъэунэфыгъэмкIэ, гражданствэ зимыIэр 1992-рэ илъэсым къыщегъэжьагъэу Мыекъопэ районым щыпсэущтыгъэ фэдэу тхылъ нэпцIыр мы бзылъфыгъэм аритыгъ, Урысые Федерацием игражданствэ къаратыным ар лъапсэ фэхъугъ.
Уголовнэ Iофыр къызэIузыхыгъэр ыкIи зэхэзыфыгъэр Урысыем и Следственнэ комитет Адыгэ ­РеспубликэмкIэ иследственнэ гъэIорышIапIэ Мыекъопэ районымкIэ иследственнэ отдел ары.
Мыекъопэ район хьыкумым Н. Ю. Шаульскаяр Урысыем и Уголовнэ кодекс ия 292-рэ статья
иа 1-рэ Iахь зигугъу къышIырэ бзэджэшIагъэр зэрихьагъэкIэ ыгъэмысагъ, сомэ 40000 тазырэу ты­рилъхьагъ.