Къэралыгъом ылъэныкъокIэ къумалыгъэ зезыхьэрэм уголовнэ пшъэдэкIыжь зэрихьыщтыр щынэгъон­чъэнымкIэ Федеральнэ къулыкъум АР-мкIэ и ГъэIорышIапIэ агу къе­гъэкIыжьы.

Урысыем и Уголовнэ кодекс ия 275-рэ, 275.1-рэ ыкIи 276-рэ статьяхэм ащ фэдэ бзэджэшIагъэ зезыхьагъэм илъэс 20-м нэсэу хьапс тыралъхьэнэу къадэлъытагъ.
Къумалыгъэм хэхьэх:
1) шпионажыр;
2) къэралыгъом ишъэф IэкIыб къэралыгъом, дунэе е IэкIыб организацием, ахэм ялIыкIохэм аIэкIэгъэхьэгъэныр;
3) УФ-м ищынэгъончъагъэ пэшIуекIорэ Iоф зезыхьэрэ IэкIыб къэралыгъом, дунэе е IэкIыб организацием, ахэм ялIыкIохэм ахъщэкIэ адеIэгъэныр, нэмыкI Iэпы­Iэгъу ятыгъэныр;
4) пыим ылъэныкъокIэ зыбгъэзэныр.
Пыим ылъэныкъокIэ кIуагъэу алъытэ УФ-м къыпэшIуекIорэ IэкIыб къэралыгъохэм ядзэхэм, дунэе е IэкIыб организацием хэтэу зэо-зэпэуцужьхэм, нэмыкIэу Iашэ, дзэ техникэ зыщагъэфедэрэ Iофтхьабзэ-
хэм ахэлажьэрэр. Мыщ фэдэ бзэджэшIагъэ зезыхьагъэм уголовнэ пшъэдэкIыжь рамыгъахьыным ушъхьагъоу фэхъун ылъэкIыщтхэр я 2-рэ пунктым щыгъэнэ­фагъэх.
Я 275.1-рэ статьям УФ-м ицIыф IэкIыб къэралы­гъом, дунэе е IэкIыб организацием, ахэм ялIыкIо-
хэм гъэбылъыгъэу зэпхыныгъэ адыриIэу, УФ-м пэшIуекIорэ Iофтхьабзэхэм язэхэщэнкIэ IэпыIэгъу афэ­хъумэ, илъэсиим нэсэу хьапс тыралъхьанэу къы-
щеIо. Пшъэрылъэу къыфашIыгъэр ымыгъэцакIэу, нэмыкI бзэджэшIагъи зэримыхьэу, зэпхыныгъэ зэра­дыриIагъэр ежь-ежьырэу хэбзэ къулыкъухэм алъи­гъэIэсымэ, пшъэдэкIыжь ыхьыщтэп.
Къэралыгъом ишъэф Iотагъэ хъугъэм къикIырэр ар IэкIыб къэралыгъом, дунэе е IэкIыб организацием, ахэм ялIыкIохэм алъыгъэIэсыгъэныр ары.
Къэралыгъо шъэфым хэхьэх дзэхэм, IэкIыб политикэм, экономикэм, разведкэм апэшIуекIогъэным, оперативнэ-лъыхъон IофшIэнхэм алъэныкъокIэ щыIэ къэбарэу, зыпIуатэкIэ УФ-м ищынэгъончъагъэ зэщызыгъэкъощтхэр. Къэралыгъо шъэфкIэ алъытэхэрэм яспискэ Урысыем и Правительствэ къегъэнафэ, УФ-м и Президент ештэ. Дзэхэм, экономикэм, шIэныгъэм, техникэм, IэкIыб политикэм, нэмыкIхэм япхыгъэ къэ­бархэр ащ хэтых.
Къэралыгъом ишъэф Iотагъэ зэрэхъугъэ шIыкIэм мэхьанэ иIэп. IэкIыб къэралыгъом, организацием е ахэм ялIыкIо ар зыщыIэкIэхьэгъэ уахътэм бзэджэшIагъэр зэрахьагъэкIэ алъытэ.
УФ-м ищынэгъончъагъэ пэшIуекIорэ Iофтхьабзэхэр зезыхьэрэ IэкIыб къэралыгъом, дунэе е IэкIыб организацием, ахэм ялIыкIохэм ахъщэкIэ уадеIагъэу, нэмыкI IэпыIэгъу яптыгъэу мэхъу хэушъхьафыкIыгъэ IэкIыб къулыкъухэм апае агентхэр къэбгъотыгъэхэмэ, ахэм Урысыем Iоф щашIэнэу фитыныгъэ яIэным ыуж уитыгъэмэ, ащ ищыкIэгъэ тхылъхэр аIэкIэбгъэхьа­гъэхэмэ, IофшIэпIэ чIыпIэ къафэбгъотыгъэмэ, зыщызэIукIэщтхэ унэр къафыхэпхыгъэмэ, транспорт афэпщэфыгъэмэ е ябгъэщэфыгъэмэ, нэмыкIэу уишIуагъэ ябгъэкIыгъэмэ.
«Шпионажым» хахьэрэр нахьыб. Къэралыгъо шъэфым имызакъоу, ащ фэдэкIэ амылъытэрэ нэмыкI къэбархэр пIотэнхэри мы бзэджэшIагъэм халъытэ. НэмыкI къэбархэм ащыщ мэхъу IэкIыб разведкэм Урысые Федерацием ищынэгъончъагъэ иягъэ къыригъэкIынэу, гущыIэм пае, агентхэр зэпырищынхэу, зыгорэ къыгъэонэу, пшъэрылъ къышIи, IэкIэбхьэгъэ пстэур. Къэбарыр пыим зэрэIэкIэхьэгъэ шIыкIэм мэхьанэ иIэп. Ар зылъыIэсыгъэ уахътэм бзэджэшIагъэр зехьагъэ хъугъэкIэ макIо.
Къэбарыр джыри УФ-м ищынэгъончъагъэ пэшIуекIорэ Iоф зезыхьэрэ IэкIыб къэралыгъом, дунэе е IэкIыб организацием, ахэм ялIыкIохэм аIэкIэмыхьагъэми, ахэм апае къэугъоигъэ хъугъэмэ, «шпионажым» хэхьэрэ бзэджэшIагъэу мэхъу.
Урысыем и Уголовнэ кодекс ия 275-рэ ыкIи 276-рэ статьяхэм къадыхэлъытэгъэ бзэджэшIагъэр зезы-­
хьагъэм ежь-ежьырэу ыкIи игъом хэбзэ къулыкъухэм макъэ аригъэIугъэмэ е нэмыкI шIыкIэкIэ къэралыгъом зэрар къыфаримыгъэхьыгъэмэ пшъэдэкIыжь рагъэхьыщтэп.