Федеральнэ IэпыIэгъум ишIуагъэкIэ мы аужырэ илъэсым Адыгеим игъогухэм ягъэцэкIэжьынкIэ, общественнэ транспортым иIофшIэн нахь дэгъоу зэхэщэгъэнымкIэ бэ зэшIуахырэр.

Илъэсэу икIыгъэм электрическэ кIуачIэкIэ Iоф зышIэрэ машинэхэр зыщыпагъэнэщтхэ чIыпIэхэр апэрэу агъэуцугъэх.
Республикэм автобу­сыкIэ 50 иIэ хъугъэ. Ахэр Мыекъуапэ игъогухэм атетых. ЗыщызекIощтхэ уахътэр зэхагъэуцо зэ­хъум цIыфхэм яеплъыкIи къыдалъытагъ. Адыгэ Республикэм псэолъэ­шIынымкIэ и Министерствэ къызэрэщаIуагъэмкIэ, лъэпкъ проектэу «ЩыIэныгъэм пае ин­фраструктурэр» зыфи­Iорэм къыдыхэлъытагъэу джыри автобуси 10 къащэфыгъ.
— ТапэкIи лъэпкъ проектхэмрэ къэралыгъо про­граммэхэмрэ къыдалъы­тэхэрэр а лъэныкъомкIэ дгъэфедэщтых. Тэ гухэ­лъэу тиIэр Адыгеим щы­псэухэрэмрэ ихьакIэхэмрэ зекIонхэмкIэ щынэ­гъончъэ, Iэрыфэгъу транспортыр агъэфедэн алъэ­кIыным иамал ядгъэгъотыныр ары, — къыхи­гъэщыгъ АР-м и ЛIы­шъхьэу КъумпIыл Мурат.