«Мэздахэ» къыщыкIырэ чъыгхэм язытет мы мафэхэм ауплъэкIу.

ЛъэсрыкIохэмрэ автотранспортымрэ щынагъо къафэзыхьын зылъэкIыщт чъыг гъугъэхэр, сыма­джэ­хэр агъэунэфых. Уплъэ­кIуным икIэуххэм атетэу ахэр раупкIых, лъэшэу зызыушъомбгъугъэ къута­мэхэр агуаупкIых.
— ЛъэсрыкIохэм, автомобильхэм, электроэнергием ирыкIуапIэхэм къямыгоонхэм пай къутэмэ гъугъэхэр зыкIыпахыхэрэр, къызэхэонкIэ щынэгъо чъыгхэр зыкIыраупкIыхэрэр. Чъыгыжъхэр зэ­рэраупкIырэм, шапхъэ­хэм атетэу чъыгхэр зэраупхъурэм паркым итеплъэ нахь къагъэдахэ, — къытыгъ къэлэ администрацием.
Тыкъэзыуцухьэрэ дунаим икъэухъумэнрэ проектымрэ япхыгъэ Iофы­гъохэм Адыгеим и ЛIышъхьэ ынаIэ зэратыригъэтырэр шъугу къэтэгъэкIыжьы.ЧIыопсым икъэухъумэн ехьылIэгъэ хэбзэгъэуцу­гъэм щыгъэнэфэгъэ шап­хъэхэр къыдалъытэзэ Iоф­шIэнхэр зэхащэх. Респуб­ликэм къыщыкIыхэрэмрэ ипсэушъхьэхэмрэ афэса­къыгъэным ахэр фыте­гъэпсыхьагъэх. КъумпIыл Мурат Мыекъуапэ имэрие пшъэрылъ фишIыгъ къалэм итеплъэ нахь дахэ шIыгъэ­ным, къэгъагъэхэр, чъыг­хэр ащ нахьыбэу щыгъэтIысхьэгъэнхэм нахь лъэшэу гъунэ алъифынэу.