«ЭкоЦентрэм» ишъолъыр операторэу Адыгеим щыIэм «ЧIыфэр къэтыжьыри, осэ хэгъэхъуагъэр птетхыжьыщт» зыфиIорэ Iофтхьабзэ зэхищагъ.

Ар коммунальнэ пыдзэ­фэ пытэхэм ядэщынкIэ фэIо-фашIэхэр зыгъэфе­дэрэ физическэ лицэхэр ары зыфэгъэхьыгъэр.
Пшъэрылъ шъхьаIэу Iофтхьабзэм иIэр цIыфхэм хэкIым идэщын ыпкIэ игъом къатыным егъэсэгъэнхэр, мы лъэныкъомкIэ чIыфэу ателъыр нахь ма­кIэ шIыгъэныр ары. Ты­гъэгъазэм и 31-м нэс ар кIощт.
Республикэм щыпсэоу чIыфэ зытелъхэм ар къатыжьмэ, уасэм техъогъэ ахъщэр компанием афигъэгъущт. ИкIэрыкIэу къы­зэрафалъытэжьыгъэр 2026-рэ илъэсым ищылэ мазэ квитанциеу къафэ­кIощтхэм арытыщт.
ШъушIэн фае, чIыфэу телъым пае зиIоф хьыкумыр хэплъагъэу, ар къытыжьынэу, ахъщэу техъуа­гъэри къыдитынэу пшъэ­рылъ зыфашIыгъэхэр Iоф­тхьабзэм къыхиубытэ­хэ­рэп.