Экологием ылъэныкъокIэ культурэ IофшIапIэхэм ачIэлъ­хьэ­гъэнымкIэ зы лъэбэкъушIоу щыт тхылъыпIэу зыми имы­щыкIэгъэжьхэр зы чIыпIэ щызэхэугъоегъэнхэр. БлэкIыгъэ илъэсым ичъэпыогъу мазэ «ЭкоЦентрэм» ахэм апае къэмланиплI Мыекъопэ телевидением щигъэуцугъ.

Мафэ къэс тхьэпабэ зыщызэрахьэрэ учреж­дением щылажьэхэрэмкIэ ахэр Iэрыфэгъу дэдэ хъу­гъэ. Джы тхылъыпIэхэр зэ­хэдзыгъэ хъугъэ, Iоф­шIэпIэ чIыпIэхэр гъэкъэбзэгъэнхэмкIэ ащ ишIуагъэ къэкIо.
«Телевидением иIоф­шIэн материал зэфэшъхьафыбэхэм ягъэхьазырын ыкIи яхэутын епхыгъ. Ахэр тхьапэм тетэу къыдэтэгъэкIыжьых. Мафэ къэс тимыщыкIэгъэжь тхы­лъыпIэу зэIукIэрэр бэ. Арышъ, ахэм апае къэмланхэм IофшIэным зэгъэфагъэ къызэрэхалъхьэрэм имызакъоу, тхылъыпIэм тыфэсакъын зэрэфаер тыгу къагъэкIыжьы», — къаIуагъ телевидением иIофышIэхэм.
«ЭкоЦентрэм» и Адыгэ
шъолъыр къутамэ ипресс-къулыкъу