АР-м ыкIи Пшызэ шъолъыр ащыпсэурэ быслъымэнхэм я ДиндэлэжьапIэ иIимамхэм ыкIи ахэм яIэпыIэгъухэм яшIэныгъэхэм ахэгъэхъогъэным фытегъэпсыхьэгъэ егъэ­джэнхэр къутырэу Гавердовскэм щызэхащагъэх.

Адыгэ Республикэм ыкIи Краснодар краим къарыкIыгъэ нэбгырэ 50 фэдиз Iофтхьабзэм хэлэжьагъ.
ДиндэлэжьапIэм иIофышIэу ХъокIо Заурбый къызэриIуа­гъэмкIэ, мэфитIум Iимамхэм егъэджэнхэр афызэхащагъэх. Ислъам диным ипкъэухэр, ишапхъэхэр щызэхафыгъэх, Къур­Iаным имэхьанэ,
ащ узэреджэн фаер къафаIотагъэх.
— Мыщ фэдэ егъэджэнхэм яшIогъэшхо къызэрэкIорэм щэч хэлъэп. Iимамхэм яIофшIэн хэшIыкI икъу фыряIэу цIыфхэм афэлэжьэнхэм мы Iофтхьабзэр фэIорышIэ, — къыIуагъ ХъокIо Заурбый.
Егъэджэнхэр зэхащагъэх АР-м ыкIи Пшызэ шъолъыр ащы­псэурэ быслъымэнхэм я ДиндэлэжьапIэ иIофышIэхэу Шъхьэлэхъо Ибрахьим, Дзэу­къожь Анзор, Хъущт Азамат, ХъокIо Заурбый, Алый Рус-
лъан ыкIи Кучмэз Айдэмыр.
Егъэджэнхэм ауж мыщ хэлэжьагъэхэм ушэтынхэр атхыгъэх ыкIи сертификатхэр къаратыгъ.