АР-м ыкIи Пшызэ шъолъыр ащыпсэурэ быслъымэн­­хэм я ДиндэлэжьапIэ бзылъфыгъэхэм Iоф адэшIэ­гъэнымкIэ муфтиим иIэпыIэгъоу Емыж Заремэрэ арапы­бзэмкIэ кIэлэегъаджэу Светлана Окован­цевамрэ Краснодар краим ит къуаджэу Шъхьащэфыжь щыIагъэх.

Iофтхьабзэм къеблэгъагъэх Ермэл­хьаблэ, Кургъукъуае ыкIи Бэчмызые къарыкIыгъэ бзылъфыгъэхэр.
Iофтхьабзэм лъэныкъо зэфэшъхьафхэр къыщаIэтыгъэх: унагъом имэхьанэ къэIэтыгъэныр, къэухъумэгъэныр, унэгъо икъу­хэм ыкIи имыкъухэм ясабыйхэм япIункIэ пэрыо­хъоу щыIэхэр, нэмазым имэхьанэ, ащ пылъ шапхъэхэр, нэмыкIхэри.
Джащ фэдэу бзылъфыгъэхэм ­КъурIан еджэнымкIэ шIэныгъэу яIэр къагъэлъэгъуагъ.
КIэухым бзылъфыгъэхэр зыгъэгумэкIырэ упчIэхэм яджэуапхэр Емыж Заремэ къыритыжьыгъэх.
ЗэIукIэгъур гуфэбагъэ хэлъэу рекIокIыгъ, бзылъфыгъэхэр яшIэныгъэхэмкIэ зэдэгощагъэх.