ШэкIогъум и 10-м къыщыублагъэу и 14-м нэс Урысыем IэкIыб къэралхэмкIэ и Ми­нистерствэ и Дипломатическэ академие игупчэ дин организациехэм апае «Дунэе зэфыщытыкIэхэм алъэныкъокIэ диным имэ­хьанэ» зыцIэ егъэджэнхэр щыкIуагъэх.

Урысыем IэкIыб къэралхэмкIэ и Министерствэ и Дипломатическэ академие ислъам культурэм, шIэныгъэм ыкIи гъэ­сэныгъэм IэпыIэгъу афэ­хъугъэнымкIэ Фондыр игъусэу Iофтхьабзэм кIэщакIо фэ­хъугъэх.
Егъэджэнхэм ахахьэу экспертхэр лек­циехэм къяджагъэх: дунэе зэфы­щытыкIэхэмкIэ диным мэхьанэу иIэр, политикэмрэ ди­нымрэ обществэм чIы­пIэу­ щаубытырэр, диным ­лъэпкъ зэ­фэшъхьаф­хэр зэрэзэ­рипхы­хэрэр, нэ­мыкI­хэри.
АР-м ыкIи Пшызэ шъолъыр ащыпсэу­рэ быслъымэнхэм я ДиндэлэжьапIэ ыцIэкIэ Iофтхьабзэм хэлэжьагъ IэкIыб зэпхыныгъэхэмкIэ муфтиим игуадзэу Хьасани Мыхьамэт.
Динлэжьхэм ыкIи дунэе политикэм алъэныкъокIэ экспертхэм зэпхыныгъэ яIэу зэдэлэ­жьэнхэмкIэ мыщ фэдэ егъэ­джэнхэм яшIогъэшхо къакIоу Iофтхьабзэм хэлэжьагъэхэм къыхагъэщыгъ.
Мыщ шIэныгъэу щызэрагъэгъотыгъэр тапэкIэ къызфагъэфе­дэщт, непэрэ лъэ­хъаным ди­ным имэхьанэ хэшIыкI фыряIэным фэIорышIэщт.
КIАРЭ Фатим.