СамбэмкIэ зэнэкъокъухэр къалэу Курганинскэ щыкIуагъэх.

Урысыем спортымкIэ изаслуженнэ мастерэу А.М. Агамирян ишIухьафтынхэр зэрылъ турнирым къэралыгъом ишъолъыр зэфэ­шъхьафхэм къарыкIыгъэ спорт­смени 120-м ехъу хэлэжьагъ.
Адыгэ Республикэм илIыкIохэм къэгъэлъэгъон дэгъухэр яIэх. Те­кIоныгъэр къыдахыгъ: Хъот Тамир­лан, Бэгъ Салим, Хьакъуй Амир ыкIи Датхъужъ Алый. Мы спорт­сменхэм зэкIэми спортым имас­тер хъунхэмкIэ шапхъэр агъэцэкIагъ. Джащ фэдэу Хьакъуй Эльдар тыжьын медаль къыфагъэшъошагъ.
Тисамбистхэм ыкIи ахэм ятренерхэм тафэгушIо, тэпэкIи мыщ фэдэ гъэхъэгъэшIухэр ашIынхэу афэтэIо.